خيمة رمضـان

موضوع: خيمة رمضـان 11/8/2010, 05:50

بسم الله الرحمن الرحيم

أحبتي

ها نحن قد فرشنا البساط العجمي وزينا بالفوانيس هذا المكان

كي نحسن استقبالكم بأحلى شهر فيـــ .......

خيمة رمضان

الله يسعد صباحكم ومساكم وكل أوقاتكم يا أحلى أعضاء

اليوم هو أول يوم من شهر رمضان المبارك
ومتل ما بتعرفوا بهالشهر الكريم طبعا متل ما بتكثر فيه الطاعات والعبادة

يحلى فيه السهر ولمة العيلة

ونحنا راح نجمع عائلتنا

بهالخيمة طول شهر رمضان

ونسهر سوى ونحكي وندردش

وبهالخيمة راح يكون فيها مسابقات

هالمسابقه عباره عن أسئلة متنوعة

تنطرح عليكمالأسئله في أيام

السبت والاحد والأثنين والثلاثاء والاربعاء ...

كل يوم سؤالين

وبآخر الشهرراح نجمع نقاط المشتركين

وراح يكون عنا ثلاث فائزين بالأوسمة

الوسام الذهبي .. والوسام الفضي ... والوسام البرونزي

ويعلن عن الفائزين بعد عيد الفطر مباشرة ان شاء الله
وكل يوم خميس

عنا مفاجأة

تعودنا دائما ان نورط الأعضاء بأسئلة وحوارات

بس هالمرة التوريطة راح تكون من الأعضاء للمشرفين

راح نستضيف بخيمتنا مشرف من المشرفين يختاروه الأعضاء

حتى يآنسنا ويحكيلنا شوي عن يومياته في هالشهر الفضيل

وكيف بقضي شهر رمضان بأيامه و لياليه

أتمنى انكم تنوروا خيمتنا الرمضانية طول شهر رمضان

متمنين لكم أجمل السهرات

وشهر فضيل يحل علينا وعليكم بالخير والبركة

دمتم بصحة وعافية ... إيمــان

خيمة رمضـان 951589

[/center]

موضوع: رد: خيمة رمضـان 11/8/2010, 05:57

لنبدأ بالمسابقة

1

ما اسم ناقة الرسول ( عليه الصلاه والسلام )؟

2
ماهو الاسم الذي عرف به الفرس بعد اسلامهم ؟

موضوع: رد: خيمة رمضـان 11/8/2010, 06:58

اهلا ايمان منووورة يا حبيبتي

جواب السؤال الاول هو القصواء
جواب السؤال الثاني هو الموالي

موضوع: رد: خيمة رمضـان 11/8/2010, 07:01

نورتي حبيبتي شموس
ننتظر باقي الأعضاء ونشوف شو أجوبتهم

موضوع: رد: خيمة رمضـان 11/8/2010, 09:08

القصـــواء

الموالي

موضوع: رد: خيمة رمضـان 11/8/2010, 12:43

اهلا نضول
بانتظار باقي الاحباب يشاركونا
خيمة رمضـان 490730

موضوع: رد: خيمة رمضـان 11/8/2010, 15:03

1- القصواء

2- الموالي

امونة حبيت كثير اجواء الخيمة

موضوع: رد: خيمة رمضـان 11/8/2010, 18:14

امونة اجيت للخيمة سلم عليكم واتشكرك حبيبتي
رمضان مبارك يا رب
بس وينك انتي؟؟؟
خيمة رمضـان 476277

دورت عليكي بكل الخيمة وما لقيتك
خيمة رمضـان 468544

موضوع: رد: خيمة رمضـان 11/8/2010, 20:55

الله على الخيمه الحلوة
منورين يا حلوين
ز كل رمضان و انتم بالف خير
كيف كان اول يوم برمضان معكم
يارب مرّ على الجميع بالف خير
و بالنسبه للاجابات
1/ القصوى
2/ الموالي

موضوع: رد: خيمة رمضـان 11/8/2010, 21:08

مرحبا يا غاليين نورتو الخيمة والله
خيمة رمضـان 953999

موضوع: رد: خيمة رمضـان 11/8/2010, 21:18

اقتباس :: امونة اجيت للخيمة سلم عليكم واتشكرك حبيبتي
رمضان مبارك يا رب
بس وينك انتي؟؟؟
دورت عليكي بكل الخيمة وما لقيتك

الله يبارك بعمرك حبيبتي بشرى
وهاي انا جيت

خيمة رمضـان 413827

موضوع: رد: خيمة رمضـان 11/8/2010, 23:22

ياللااا يا جماعة جهزولي حالكون واختاروا احد المشرفين
حتى ينور خيمتنا يوم الخميس والجمعة
راح يكون ضيفنا بهالخيمة
ونعرف منه كيف بقضي اوقات الصيام بأيامه ولياليه
خيمة رمضـان 889900

موضوع: رد: خيمة رمضـان 12/8/2010, 08:23

مين من المشرفين راح تختاروا يا حلويييييييين

خيمة رمضـان 889900

موضوع: رد: خيمة رمضـان 12/8/2010, 12:16

مرحبا

شكراً جزيلاً للفكرة الحلوة و للمجهودات الطيبة...
بانتظار اختيار أحد المشرفين من جانب الأعضاء

موضوع: رد: خيمة رمضـان 12/8/2010, 13:25

اهلا يا عصام نورت الخيمة بوجودك
--------------------------------
وينكم يا اعضاء
بانتظار اختياركم حتى نبدأ سهرتنا

موضوع: رد: خيمة رمضـان 13/8/2010, 10:13

شو يا جماعة لسى ما اخترتوا أي مشرف حتى يآنس سهرتنا اليوم
شو القصة
وينكم

موضوع: رد: خيمة رمضـان 13/8/2010, 12:43

اهاااااااااااا طيب بما انه انتي صاحبة الفكرة
راح تكوني اول مشرفة بخيمة رمضااان تنورنا وتحكينا كيف عم تقضي وقتها
اتمنى مشاركة بقية الاعضاااء

رمضااااااااااااااااان كريم للجمييييييييييييييع

موضوع: رد: خيمة رمضـان 13/8/2010, 13:10

آخ يا شموس

لو كنت بعرف اني انا راح اوقع فيها
ما كنت اقترحت الفكرة

حاضر حبيبتي
انا تحت أمرك
خيمة رمضـان 173359

موضوع: رد: خيمة رمضـان 13/8/2010, 13:18

حبيبتي ما في مشكلة كنت راح اختارك اختارك خليكي اول وحدة

احكينا كيف عم توفقي بين الشغل و الصيااام وكمان كونك مشرفة بالمنتدى
شو اكتر اكلة تحبيها وشو مشروبك المفضل انا بقلك احكينا كل شي بالتفصيل
من زيارات بتحبي تزوري اقاربك وصديقاتك كل شي يا امووونة اها اي سااعة بتناامي لو ما بتناامي من اصلووو

موضوع: رد: خيمة رمضـان 13/8/2010, 14:26

مرحبا حبيبتي شموس
وهاي انا اجيت احكيلي كيف أيامي برمضان

شوفي يا عزيزتي
انا بنزل المكتب الساعة 10 الصبح

وبرجع البيت عالساعة 6.5 قبل موعد الإفطار بساعة تقريبا

وبوصل على آآآآآآآآخر نفس والله يا شموس

بكون ماما واختي مجهزين كل شي أكيد ما رح يستنوني
خيمة رمضـان 457343

ومن وصلتي بصير انا بعطي ملاحظات
هيك اعملوا وهيك لا تعملوا

وطبعا كالعادة بتبهدلني اختي وبتقلي روحي صلي ركعتين أحسن الك
خيمة رمضـان 532592

وأفضل أكلات عندي هي
الملوخية – المقلوبة – الكبة المشوية
وأفضل مشروب هو
القهوة ثم القهوة ثم القهوة

وبعد الافطار بحوالي ساعة تقريبا

برجع بنزل المكتب عالساعة 9 وبرجع البيت الساعة 12 ليلاً

طبعا ومتل ما بتعرفوا برمضان مافي لا قراءة قصص
ولا روايات ولا حتى رسم
بقرأ من القرآن ما تيسر
وبعدين بفتح النت شوي حتى يصير وقت السحور
بجهز السحور انا وماما
وبحصي أهلي حتى يتسحروا
انا ما بتسحر شموس بخاف اسمن خيمة رمضـان 842113

بشرب فنجان قهوة وبنتظر حتى يصير وقت صلاة الصبح

بصلي الصبح وبعدين بسبح شوي حتى يطلع النهار

وبعدين بروح بنام ومرات ما بيجي على بالي أنام
خيمة رمضـان 186278

هلأ بالنسبة للزيارات يا شموستي

والله الصراحة ما بحب الزيارات
بحب الكل يجي لعندي بس انا ما أروح لعند أحد

لأن كتير بعاني من مشكلة التوقيت وعدم توافق مواعيد الزيارة مع مواعيد شغلي

بس أحيانا بضطر اني اروح لزيارات ما فيني ألغيها

متل بيت أعمامي وعماتي وأخوالي وخالتي وأكيد عند خواتي

والله يعني ويساعدني كيق بدي أظبط الوضع
خيمة رمضـان 15457

وبهيك بكون خلصت أسئلتك حبيبة قلبي شموس

ألف شكر الك حبيبتي شموس عالأسئلة الممتعة بجد
خيمة رمضـان 953999

موضوع: رد: خيمة رمضـان 13/8/2010, 14:29

ايمااان انشالله كل عام وانت بألف الف خير ورمضان كريم عليك
وعلى جميع الاعضاء بالمنتدى

شكرا على هالخيمه الرمضانيه الرائعه الي بتجمعنا مع بعض
دائما مميزه يا ايمان بمواضيعك تحيااتي الك

موضوع: رد: خيمة رمضـان 13/8/2010, 14:30

نورت الخيمة بوجودك يا ابراهيم
وكل رمضان وانت بألف ألف خير يارب

موضوع: رد: خيمة رمضـان 13/8/2010, 21:28

شو يا جماعة تركتوني بالخيمة سهرانة لوحدي
وينكم

خيمة رمضـان 456105

موضوع: رد: خيمة رمضـان 13/8/2010, 21:38

حبيبتي انتي اسلوبك كتير حلو بالكتاابة انا استمتعت جدا باجوبتك
انا كتير بحب اكلة المقلوووبة و الكبة بكل انواعها

ما تنسي شاركي الاهل ولو بعمل سلطة بسيطة في المطبخ مو بس تعطي ملاحظاااااات هههههه

حبيبتي انتي مش لحالك بالخيمة هيني انا هون معك

امووونتي شو كان فطرووك اليوم

موضوع: رد: خيمة رمضـان 13/8/2010, 21:52

اهلا حبيبتي شموس
تسلمي لقلبي والله انت يلي أسئلتك كانت متل العسل
------------------------------
بالنسبة لمساعدة الأهل
يا عمري والله بحاول اساعد بس ما بيطلع معي ولا شغلة
وبدل ما أساعد بلخبطهم بالشغل أكتر
خيمة رمضـان 142862

أما عن طبخ اليوم كانت السفرة عامرة ولله الحمد
كنا عاملين دجاج محشي أرز مع مكسرات
أوزي
فريكة
فتوش
كبة نية
شوربة الخضار
وأنا من لما بشوف الأكل كتير وبأنواع كتيرة بشبع من غير ما آكل بس أطلع فيه
بحس حالي أكلت كل الأكل

شكرا حبيبتي شموس السهرة معك تجنن
خيمة رمضـان 953999