كتاب اللباد .. حلبي مية بالمية ...........

امتلأت موسوعة حلب المقارنة للعلامة خير الدين الأسدي
بالمعتقدات الخرافية الشائعة بين النساء في حلب, والتي أوردها تحت تصنيف كتاب اللباد.
و هو يقول : كْتاب اللبّاد: اسم كتاب وهمي لا وجود له، يريدون به مجموعة اعتقادات النساء الخرافيّة
ويزعمون أنه كان سفراً ضخماً ثم احترق وبقي منه صفحة واحدة ، بقي منها جزء هو ما في صدور النساء الحلبيات.

سأورد بعض ما جمع في هذا الكتاب ( كتاب اللباد ) و أضيف إليه العبرة للإعتقادات السائدة

اللي مابجيب آلة الخزۤانۤة ليلة عرسه بتبقى مرتو عينها جوعانة طول عمرها
و العبرة
حث الرجل على التحلي بالكرم مع زوجته

اللي بتاكل لب البصلة او لب الخسّة بس وبترمي الباقي بموت أبوّها وأمها
و العبرة :
حض المرأة على عدم التبذير

إذا حكّتك رجلك بكون بدك تدوس أرض جديدة
العبرة :
تشجيع الزيارات

اللي بنام رجليه عالقبلة بتقصر رجليه
و العبرة :
احترام بالغ للقبلة الشريفة

يلي يقتل قطة ملزوم يوم القيامة يعبّي رجليها ذهب
العبرة :
الحض على العطف على الحيوان

يلي بْتغسۤل أربعين أحد ورا بعض بتصير غنية
العبرة :
حض على النظافة

إذا عدّۤت المرأة فوق الماء اللي انغسل فيهّا الميّت بجيهّا ولد إلوٓ غطة قلب.
العبرة :
حض المرأة على عدم الدخول إلى الغرفة التي يتم تغسيل الميت فيها

اللي بتساوي كبّۤة نيّة ثلاث أياۤم ورا بعضها بتطيّر بركة البرغل
العبرة :
الحض على التوفير المتثل في ثمن الهبرة.... تقول البركة إلها أجنحة

يلي بتنام وهي بتبكي بيطلعلها شعر جوا عيونها
العبرة :
تشجيع على التخلي عن الحزن

إذا الكنّة سحرت حماتها أو بالعكس: الحماية سحرت كنتها ، ما بنفكّ هالسحر إلا إذا تغسّلت بماء غير نظيف
العبرة :

هل يمكن أن يكون ذلك دعوة نحو تحقير الذات وبالتالي دعوة نحو التواضع الله أعلم .. ههههههه

اللي بتشلح جراباتها قبل ما تشلح ملحفتها ما بتجوّزوا بناتها.
العبرة :
دعوة إلى عدم العيش بشكل عشوائي.

إذا عدّت عروس على باب حمّام بتخطفلها الجان جوزا.
العبرة :
هل يعني أنه يفضل على المرأة أن لا تمر بحارة فيها حمام .. ما بعرف الله أعلم ؟

اللي بتشعل الضوّ قبل المغرب بحل ببيتها الفقر.
العبرة :
دعوة نحو عدم التبذير.

مابنضرب الولد في الحمام لأنّو بلطشوه الجان.
العبرة :
دعوة نحو الابتعاد عن التعامل بعنف مع الأطفال.

إذا غابت الشمس والمرأة عم تنشر غسيلها بكون جوزا بدّو يطلقا.
العبرة :
كسل المرأة في اداء واجباتها سيؤدي حتما للطلاق

يلي بمد راسو عالجب بخطفه شيخ الجب
العبرة
يوهمون الأولاد أن للجب شيخاً من نوع الجان و الهدف هو التحذير عبر التخويف

يلي بيمسح على راس اليتيم ثلاث مرّات بتنكتب له حجّة.
العبرة :
الحض على عمل الخير.

يلي بقسم رغيف الخبز بإيد وحدة مو بإيدتين بتبس إيدو؟
العبرة :
دعوة نحو اتباع اتيكيت أثناء تناول الطعام.

يلي بياكل من الطنجرة بتنزل مطر بعرسه
( المطر يعكّر العرس لأنه غالباً ما يجري العرس في أرض الحوش . )
العبرة :
حض على عدم تناول الطعام بشكل فوضوي

يلي بكنّس بالليل بقلّع الملائكة. إذا انجبرتي تكنسي بالليل لازم تحرقي شْوي من المكنسة حتى ما يموت حدا
العبرة :
حض على عدم تأجيل الأعمال المنزلية.

إذا كبۤر إبنۤك وما مشي طعمي القطط معلاق بيمشِي الولد
العبرة :
حض على الرفق بالحيوان.

البنت يلي بتكنّس بيتها وما بتنضفو منيح بجيّها عريس أقرع
العبرة :
حض على النظافة.

يلي بيقعد في العتبة بلطشوه الجان.
العبرة :
حض على النظافة. غالباً ما تكون العتبة وسخة لأنها مكان الأحذية

يلي بحكّه أنفه بكون بدّو يتخانق مع مرتو.
شي منطقي لأن حكة الأنف غالباُ ما تكون تعبيراً عن التوتر ، والمرأة هي مفش خلق الرجال.

إذا السفرة انتركت وما انشالت بتشيلها الملائكة.
العبرة

حض على عدم تأجيل الأعمال المنزلية. لأني الملائكة غاليين علينا.

حتى في بيتها...المرأة لازم تغطي شعرها حتى ما تشوفها الملائكة.
العبرة
تدريب المراة على عملية العيش المشترك لعدة أسر في حوش واحدة.

--------------------------------------------------------------------------------------------
نلاحظ أن معظم ما ورد في كتاب اللباد
جاء ليحث على أمور تتوافق مع ظروف الحياة كالحث على النظافة وعلى أن لاتقوم المرأة
بتأجيل أعمالها المنزلية.
كما كان هنالك حث على التوفير في
المصروف المنزلي وعلى الرفق بالحيوان.و نلاحظ انه استخدم في كتاب اللباد الترغيب
والترهيب للحث على تنفيذ التعليمات الواردة في الكتاب.و ان هناك هنالك اعتماد شديد
على الملائكة والجان والشياطين في تنفيذ عمليتي الترغيب والترهيب.

----------------------------------------------------------

والله في عبر حلوة ومغذاها مفيد

اغلبهم ما سمعت فيهم رغم اني من اصول حلبية

تسلم ايديكي ايمان
فائدة ومتعة بالوقت ذاته
كتاب اللباد .. حلبي مية بالمية ........... 8917