مسابقة ..مين اكتر واحد, بيعرف كاظم ؟

اخوتي واحبابي الغاليين

فكرتلكم بمسابقة جديدة كرمال تعبلكم دماغكم معي شوي scratch

, وما خليكم تفضو ابددددددددددددددددددددددددا Twisted Evil

, واخلي كل تفكيركم وبكل يوم بقيصرنا الغالي :cheers: , والمسابقة هي كل يوم تقريبا او يومين بجيبلكم سؤال عن كاظم , وانشوف ساعتها ميييييييييييييييييييييين - اكتر واول واحد بجاوب على الاسئلة بكون هو اكثر واحد بيعرف كاظم الساهر. winer

بس اخوتي بدّي همتكو معي بهالمسابقة crying

..... لانه اذا ما ساندتوا انتو بالموضوع ما رح يمشي الحال مسابقة ..مين اكتر واحد, بيعرف كاظم ؟ 456105

وبهالمسابقة مش بس بتسلّى سوى , وبنشغل فكرنا ,لاء .كمان بنجمع اكبر عدد ممكن من المعلومات عن قيصرنا القديمة والجديدة بهذا الموضوع

وبمى اني اليوم اول يوم من طرح الموضوع يعني ولادته فراح يكون سؤالي :-

1-) باي شهر, وسنه ولد القيصر كاظم ؟؟؟؟؟؟؟؟؟؟؟؟؟؟

يلاّ حبايبي بّدّي كلكم تشاركونا هون انشالله مسابقة ..مين اكتر واحد, بيعرف كاظم ؟ 454214

مسابقة ..مين اكتر واحد, بيعرف كاظم ؟ 454214

مع حبي وتقديري thanx

مرحبا بيلما
شكرا لجهودك حبيبتي
والله على حد معلوماتي القيصر ولد ب ١٢ سبتمبر سنة ١٩٦١
:don't know:
flower

بشرى

مرحبتين بشرى حبيبتي
بس اسمحيلي قللك الجواب ما كان صحيح للاسف
حاولي مرة تانية scratch

بركي بتزبط هالمرّة

مرحبا بيلما

أشكرك للفكرة الحلوة و للمسابقات الممتعة.... والله أفكارك كثير كثير حلوة.. تسلمي لنا

أعتقد الجدواب هو 12 سبتمبر من سنة 1957

صح ؟؟

مع حبي و احترامي
عصام

مرحبا من جديد
الحقيقة بالنسبة لسنة تولد كاظم اذا بنرجع للمقالات
منشوف عدة أقاويل٠٠ما بين ال ١٩٥٧ وال ٦١
والله أعلم
Wink

بشرى , عصام الغاليين اشكركم على الرد

لتاريخ هو : 12 سبتمبر 1957
ا وحسب معلوماتي صحيح 100%

وعليه اخي عصام هو الحاصل على اول جواب

وهلق السؤال الثاني

2-) كم عدد اللالبومات التي اصدرها كاظم الساهر حتى يومنا هذا ؟؟؟؟

ارجو مشاركة حبايبنا الساهريين جميعا... :w6w:

لعبة جميلة جدااااااا بيلما .. دائما افكارك راائعة

اعتقد لحد الان 20 البوم

اهلين مها
وشكرا عالمشاركة بالرد وانتظري النتيجة عن قريب

مش عارف شو احكي معقول هيك ؟مافي حدا بشارك شو وين اخواني الساهريين
يعني اذا سؤال بسيط هيك ؟؟ وين المشاركة والتشجيع كرمال الواحد يتفائل ويكمّل

على الاقل فوتو واكتبو ما بنعرف عشان نعلن النتيجة بتفائل لوضع سؤال جديد
يلاّ ...........ناطرة الجميع وكلّي امل

مع الشكر

حبيبتي مها اشكر متابعتك للموضوع
وانشالله نشوف باقي الاخوة مشاركين معنا هون

الجواب هو : 21 البوم

وساضعهم في منتدى كاظم في الميزان كمعلومة بالمنتدى بعد كم سؤال انشالله

السؤال الجديد :-

3-) ما اسم اطول اغنية لكاظم الساهر, وكم استغلّت من وقت ؟

مع الشكر

مرحبا بيلما

اولا الف شكر لك على فكرتك الحلوة والمسابقة الأحلى

ومتل ما كتبتلك بردودي السابقه بغير مواضيع

شو سبب تقصيري بالردود بالأيام الأخيرة

بالنسبه لسؤالك الثاني

انا بقول 21 او 22

وبانتظار الجواب الصح منك

اما بالنسبه لردك السابق فأنا معك فيه 100%

للأسف ما بعرف شو قصه هالأعضاء

صار بدنا نعزمهم عزيمه ليكتبو شي رد عنجد شي محزن

ومخيب للأمل كمان بس مو طالع بأيدنا نعمل شي

ما فينا نجبر حدا عالرد وبالنهايه هنن أحرار

فروقي ولا تحطي ببالك وتأكدي انه انا دائما معك

حتى لو انقطعت فترة بسبب النت بس ارجع برد على المواضيع اللي فاتتني

وعصام وبشرى ومها كمان بيحرصو يردو على كل المواضيع

شكرا لك مرة تانيه ولا تحرمينا من افكارك النيرة

حبيبتي ورقه الغار الظاهر انك جاوبتي عالسؤال ونزلتي السؤال التالت بالوقت اللي كنت عم اكتب فيه الرد بالنسبه لجواب السؤال 3 انشالله بكرا بجاوبك بس لراجع معلوماتي
شكرا لجهودك غاليتي

حبيبتي مروة
برجع وبقللك تسلميلي يا غالية على ردّك ومشاعرك الرقيقة معي
حبيبتي انا ما بنكر وجود ,عصام ومها وبشرى ووجودك معي دائما , بالعكس وانا كتير بحبهم وغاليين علي

بس العمبيصير معي شغلة غيرة من المنتديات الاخرى البعدّو بللاف, ومتابعين بنشاط
ونحنا هون بالمنتدى عمبنحاول ما نقصّر بس المشكلة عددنا قليل والبيجو بينضمّو فترة وبروحو واكيد السبب مو على حدا
بس حلو الواحد يغار على منتداه ويحب وجود اخوانه دائما معه
بضن ما بختلفي معي اذا قلت انو كل ما كترت الردود معناه العدد زاد بالمنتدى بل والاهتمام بالمواضيع ايضا

والقاعدة الاساسية عندي بالنسبة للناس
الّي بحب يسمع اغاني كاظم ومن معجبيه عادة يحمل من الحساسية الكثير :love: فانا لمّى احكي هيك عشان احرّك الميزة الحلوة الجمعتنا سوى بيبيتنا الساهري

ويا حبيبتي انا مو زعلانه ابدا بس مجرّد غيرة عالمنتدى ولا يكون ببالك
وعلى كل حال كمى قيل ... تفائل بالخير , تجدوه
وهيدا الراح يصير انشالله

ما رح انسى قللك شكرا على الاجابة للسؤال التاني ومشاركتك فيه وما خليتك تقدميه بمحلّو لاني سجّلت قبلك الجواب الصحيح ...حقك علينا مرقيها هالمرة مسابقة ..مين اكتر واحد, بيعرف كاظم ؟ 924824

مسابقة ..مين اكتر واحد, بيعرف كاظم ؟ 924824

طيب كان بعتيلي اشارة او لمحتيلي :maloos: ....محسوبتك بتفهمها عالطاير مسابقة ..مين اكتر واحد, بيعرف كاظم ؟ 173359

ههههههههههههه

ناطرة جوابك على الؤال 3 وما رح جاوبة غير لمى شوف ردّك انشالله

مرحبا بيلما , عزيزتي اتفق معك بكل كلمة كتبتي ها و نحن كمان عم نحاول بس ما اعرف وين المشكلة .. ياريت الاعضاء يخبروننا

نرجع للمسابقة .. هالمرة بدي فووووز ها لأن متأكدة من جوابي

اطول اغنية للساهر هي " لا يا صديقي " و 47.28 دقيقة وقتهاا يعني تقريبا 48 دقيقة

شو؟؟؟ :maloos:

مرحبا احبابي

أشكركم لاهتمامكم الكبير و لنشاطاتكم الكبيرة هنا... والله انا خجلان منكم لمجهوداتكم الكبيرة معنا.. ربي يخليكم لنا

بخصوص السؤال الثالث, أعتقد رد مها صحيح و اطول اغنية للقيصر هي " لا يا صديقي" و هي مدتها حوالي 50 دقيقة اعتقد..

بانتظار ردود باقي الاحباب... نحن سنستمرفي هذه المسابقة للنهاية نتمنى الاحباب ينضموا الينا...

مع حبي و احترامي
عصام

الغاليين عصام ومها

اشكركم للمتابعة و للاجوبة

الجواب الصحيح بالضبط 47:00 دقيقة عند انتهاء اخر كلمة منها
وفرق الثواني هو حسب المد بنهاية الموسيقى على الكاسيت

يعني جوابكم مضبوط يا مها وعصام 100% حسب الكست المسموع

مع الشكر

السؤال الجديد

4-) ما اسم اول البوم لكاظم الساهر والسنة التي صدر بيها ؟

مع الشكر

اول البوم : شجرة الزيتون و اعتقد ممممممممم سنة 1987

مرحبا بيلما
شكراً لك على المجهودات الكبيرة.. كما قالت مها أعتقد الجواب هو البوم شجرة الزيتون اللي نول في عام 1987 او 1988....

مع حبي و احترامي
عصام

تسلمولي عالمشاركة وناطرة باقي الاخوة

وعندي امل كبير فيهم كلهم راح يشاركو ويتابعو بهلاسئلة الجميلة عن قيصرنا flower

وبنفس الوقت لزيادة المعلومات عن القيصر في منتدانا

مع الشكر

مرحبا اخواني

الجواب الصحيح :- شجرة الزيتزن سنة ( 1984) الاهرام البحرين

مع الشكر لمتابعتكم

وهلق السؤال الجديد

5-)ما اسم اول فيديو كليب ظهر رسميا لكاظم الساهر, واي سنة ؟

طبعا السنين ليست مهمة قدر الاسم
مع الشكر

حبيبتي بيلما
اولا عنجد انا أسف للتاخر بالرد بس والله مشغوله شوي هاليومين لعده اسباب اولها اني كنت عم دور على شغل واعمل مقابلات للتظيف وتانيها اني عم انزل للسوق كل يوم تقريبا يعني حتى لو الواحد مو لازمه تياب بيضطر يشتري
والسبب التالت حأذكره بعد يومين بموضوع لحاله وانشالله ينال اعجابكم وتتفاعله معه كلكم
تانيا اسمحيلي اتشكرك من هاد الموضوع على كل مواضيعك المميزة والمهضومه اللي عم تنزلها وما عم اقدر رد عليها لأنشغالي ولضيق الوقت وبتشكرك كمان على نشاطك المتزايد جدا بالفترة الأخيرة بالمنتدى رغم قله الأعضاء والردود والي رجاء بسيط عندك ولو انه ممكن يزعج بعض الأعضاء
يا ريت تخففي تنزيل مواضيع بس يومين لغايه السبت يعني بس حتى الحق ارد على كل المواضيع اللي فاتتني لأنه والله صارو كتار كتير علي وانت كل يوم عم تزيدي الشغل علي بمواضيعك الحلوة اللي بتعرفي طبعا اني ما بقصر بالرد عليها الا لأسباب ذكرت جزء منها واخر سبب بقوله بموضوعي اللي حنزله السبت انشالله
بس رجاءا ما حدا يزعل مني او يفهمني غلط لأنه عنجد كتير صار علي ضغط بالمواضيع اللي لازم رد عليها
وحتى اذا لاحظتو من شده انشغالي ما عدلت لون الخط للوني الزهري وكتبت بالمنتدى فورا لأني مستعجله

صحيح كان عندي فكرة مكمله لموضوعك حبيبتي بيلما بس نسيت اطرحها بالرد
كنت بدي استشيرك انه نخلي الشخص اللي يربح ويعرف الجواب الصح
هو اللي يختار السؤال الجديد
وبهالطريقه الكل حيصيروا يشتغلو ويتنافسوا ليجيبو أسئله صعبه ومميزة بنفس الوقت
أو على الأقل بيحاولو يجاوبو ليلحقو دور يسألو شي سؤال
شو رأيكن يا أعضاء وخصوصا حبيبتي بيلما