ما اسمك ؟

موضوع: ما اسمك ؟ 11/3/2009, 03:07

طبعاً الجميع أصبح يعلم أني على أبواب علاقة عاطفية
ولهذا ... لم أعلم بصراحة ما الذي يحصل لي .... رأيت قلمي يكتب وحده ...
فأحببت أن أطلعكم على ما كتب هذا القلم .... وأتمنى أن ينال إعجابكم ما كتب من قلم هاوي
*****
قالت ما اسمك ؟
قلت آسف ... لم أقل اسمي لأنثى ... ولن أغامر
إنني عاهدت نفسي أن أعيش بلا مشاعر
فارحلي يا حلوة عني .. لست في قلبي مقاهر
واسألي إن شئت عني ... قلبي كل الدفاتر
لن تري في ذكرياتي موعداً مع جنس أنثى

***

قالت ما اسمك ؟
هل لقول الاسم وقع يقتضي منك استشارة ؟
قبلك الملايين صفوا يملؤون الاستمارة
اسمهم ... اسم أبيهم ... ساعة الميلاد ... عنوان العمارة
يأملون رضاي حتى تأتيهم مني إشارة

***

قلت ... لا ... صدقيني
إنني غير الرجال ...
إنني نجم بعيد لا يطل ولا يطال
إن ما ترجين ضرباً من أعاصير الخيال
فسألي حواء عني ... إن نيلي يستحال
سوف لن أخبرك باسمي ... فارفعي عني السؤال

***

قالت ... ما اسمك ؟
إن لي عينان حور كسرت كل القواعد
من رآها ذاب فيها ... ومن يقاولها مجاهد

***

قلت ... مهلاً
إن حور العين صفتي ... صرت أخشى أن ألين
فارحمي جبروت قلبي .....

***

تابعت ...إن سحر الشرق فيهما ... أو من سحر المشارق
إن أهدابي لسود ... ليس بينهما فوارق
وأجفاني سيوف ... تنحني مثل الصواعق
هل رأيت أيا صغيري زوج أجفان يعانق ؟

***

قلت ... يكفي ... قد هزمت .
أغرقت عيناك مني فيها كل الزوارق
كيف أنجو يا حياتي ؟ ... مركبي في اليم غارق
إن اسمي يا صغيرة .. كان قبل اليوم باشق
سوف أمحوه تماماً من شهادة الميلاد ... أو دلالات الوثائق
إن اسمي صار أحلى
صار يا أنثاي عاشق

موضوع: رد: ما اسمك ؟ 11/3/2009, 13:59

ربيع٠٠٠على أبواب علاقة عاطفية؟؟
scratch

يا ابني انت تجاوزت الأبواب من زماااااان
Wink

حلو تعبيرك عن مشاعرك يا ربوعة

وشكرا لأنك دخلتنا لقلبك الطيب اللي بينبض بالحب

الله يوفقك ويوجهلك الخير
كل التوفيق
flower

بشرى

موضوع: رد: ما اسمك ؟ 11/3/2009, 14:19

مرحبا ربيع
معقووووووووووووووووول :affraid: بتعرف تكتب شعر وما عمبتشاركنا من زمان
ومو اي شعر ..شعر حلو ورائع كمان
والا لا يكونهيدا من تاثير الحب

عليك
يا سيدي ربي يديم هالحب كرمال نشوف ابداعاتك معنى هون
وعلى هيك بانتظار المزيد من كتاباتك ربيع العاشق

موضوع: رد: ما اسمك ؟ 11/3/2009, 15:57

مرحبا ربيع

والله الكمات كثير حلوة لانها طالعات من القلب.... لاتحرمنا من هذا الابداع

موضوع: رد: ما اسمك ؟ 11/3/2009, 23:37

بشرى كتب:: ربيع٠٠٠على أبواب علاقة عاطفية؟؟

يا ابني انت تجاوزت الأبواب من زماااااان

حلو تعبيرك عن مشاعرك يا ربوعة

وشكرا لأنك دخلتنا لقلبك الطيب اللي بينبض بالحب

الله يوفقك ويوجهلك الخير
كل التوفيق

بشرى

اعتذر عن ردي بالنيابة عن ربيع
بس باكدلك انو ربيع كتير رح يكون مبسوط بردك الجميل بشورة العزيزة
بشكرك بالنيابة عن اخي ربيع على مرورك وبحب طمنكن انو ربيع
ولاسباب فنية لم يتمكن من الرد
لا ينشغل بالكن ربيع بيشكرك لمرورك الجميل وردك المحفز لهمتو العالية
تحياتي
ربيع &علي

موضوع: رد: ما اسمك ؟ 11/3/2009, 23:43

ورقة الغار كتب:: مرحبا ربيع
معقووووووووووووووووول :affraid: بتعرف تكتب شعر وما عمبتشاركنا من زمان
ومو اي شعر ..شعر حلو ورائع كمان
والا لا يكونهيدا من تاثير الحب عليك
يا سيدي ربي يديم هالحب كرمال نشوف ابداعاتك معنى هون
وعلى هيك بانتظار المزيد من كتاباتك ربيع العاشق

شكرا لمرورك بيلما العزيزة
هاد شي جدا محفز لربوع
بتمنى انو ربيع يكبر موهبتو
وان شاء الله
بيرقى معكن انتو اخوتنا الاعزاء بهالقسم الكريم
بعتذر عن ردي بدلا عن ربيع ولكن الرد جاء بسبب عطل فني
اكرر شكري لك
تحياتي
ربيع&علي

موضوع: رد: ما اسمك ؟ 11/3/2009, 23:56

عصام كتب:: مرحبا ربيع

والله الكمات كثير حلوة لانها طالعات من القلب.... لاتحرمنا من هذا الابداع

بعتذر بالرد نيابة عن اخي ربوع
اشكرك عصوم الحبيب على ردك بس
ربيع احوالو هل اليومين مو عاجبتني
واعصابو هل اليومين متوتر ة
طبعا انتو دريتو بعلاقته الجديدة وباينتن الصبايا بمنتدانا
صابو بالعين
ان شاء الله لن يطول غياب ربيع
تحياتي
ربيع&علي

موضوع: رد: ما اسمك ؟ 12/3/2009, 01:29

ربيييييييييييع
معقول
أول مرة بعرف انك بتكتب شعر
معناها عنجد غرقان بقصه هالحب
الله يسمعنا الأخبار الطيبه
ويفرحنا فيك عن قريب
وبالنسبه لتجربتك الأولى وانشالله ما تكون الخيرة
فهي عنجد وبدون مجامله كتير كتير رائعه
عنجد فاجأتني وصدمتني يا ربوعه
كلامك كتير حلو ومؤثر
انشالله تستمر بكتابه الشعر
وبقصه الحب اللي عم تعيشها
والله يوقك

موضوع: رد: ما اسمك ؟ 12/3/2009, 11:17

معقووووووووووووووووووول؟ربيع بيكتب شعر ؟؟ و شعر حلو كماااااااان

كلامك معبر و جميل جدا و مثلما قال عصام لأن طالع من القلب

ربنا يسعدك بهالحب و يسهل طريقك و يسمعنا الاخبار الحلوة عن قريب

اتمنى هذه ما تكون تجربتك الاخيرة

موضوع: رد: ما اسمك ؟ 13/3/2009, 01:05

samo كتب:

عصام كتب:: مرحبا ربيع

والله الكمات كثير حلوة لانها طالعات من القلب.... لاتحرمنا من هذا الابداع

بعتذر بالرد نيابة عن اخي ربوع

اشكرك عصوم الحبيب على ردك بس

ربيع احوالو هل اليومين مو عاجبتني

واعصابو هل اليومين متوتر ة

طبعا انتو دريتو بعلاقته الجديدة وباينتن الصبايا بمنتدانا

صابو بالعين

ان شاء الله لن يطول غياب ربيع

تحياتي

ربيع&علي

مرحبا علي
الف سلامة على اعصاب اخونا لصغير ربيع
بس هيدا الحكي ما بقبلو منك يا علي معقول نحنا نصيب الغالي ربوعتنا بالعين
بلعكس كلنا مرافقين كلامنا بالدعاء له والتوفيق بعلاقته الجديدة
وفرحانين له كتير بعلاقة الحب الجديدة بحياتو واللابداعات الظهرت من وراها
وربي يديمها عليه وتتحقق كل احلامو فيها

كل الشكر

موضوع: رد: ما اسمك ؟ 15/3/2009, 02:35

مرحبا بشورة
تعبيري عادي ... لكن كونك أول مين رد على قصيدتي هو الأجمل
شكراً الك على كلامك الحلو ...
flower

بتصور أني تعلمت الحب هون ..بينكن
شكراً
تحياتي
ربيع
jocolor

موضوع: رد: ما اسمك ؟ 15/3/2009, 02:38

مرحبا بلبل
والله يا بلبل أنا بعمري ما كتبت شعر
بس متل ما قلت .. هي أول تجربة الي
ومتل ما قلتي .. هاد من تأثير الحب عليي
timid

تسلمي لدعائك الي ... وانشالله أي إبداع جديد ما رح قصر عليكم
تحياتي
ربيع
jocolor

موضوع: رد: ما اسمك ؟ 15/3/2009, 02:42

عصام
الكلام حلو لأنك انت الحلو
بالفعل الكلام طالع من قلبي ...
:love:
الله لا يحرمنا منك
تحياتي
ربيع
jocolor

موضوع: رد: ما اسمك ؟ 15/3/2009, 02:45

علوووووووووش
ما بعرف شو بدي قلك ...
scratch

شكراً كتير على وقفتك معي .
كنت متأكد اني بقدر اعتمد عليك

ما رح ارجع احكي بقصة العين
بظن الي حكوه الأحباب بيكفي
ما اسمك ؟ 537144

بكرر شكري الك
تحياتي
ربيع
jocolor

موضوع: رد: ما اسمك ؟ 15/3/2009, 02:47

مارووووووووووو
أي معقول ... ليش مستغربة ؟
وانا كمان اول مرة بعرف اني بكتب شعر
oui

شكراً كتير على رأيك الصريح وبقلك
مافي داعي تنصدمي ولا تتفاجئي
وانشالله ما بتكون تجربتي الأخيرة
ما اسمك ؟ 454214

بالفعل مافي أحلى من الشعر
تحياتي
ربيع
jocolor

موضوع: رد: ما اسمك ؟ 15/3/2009, 03:02

مهاااااوي
الله يحلي أيامك متل ما حليتي القصيدة بردك الحلو
الله يسلمك ويخليكي لنا ... انا مين الي غيركم ؟؟؟
شكراً على مرورك
تحياتي
ربيع
jocolor

موضوع: رد: ما اسمك ؟ 15/3/2009, 03:05

أخيراً
شكراً للجميع على وقوفهم بجانبي
لا يوجد لدي كلام أكثر من كلمة شكراً
لذا تقبلوها من أخ صغير صادق ومخلص لكم
شــــــــــــــــــــــكراً

موضوع: رد: ما اسمك ؟ 1/4/2009, 21:45

كلامك بيحنن ربيع
بتمنى تم تكتب على طول
حلو هيك صديقتك المحبة نور
مع تحياتي

موضوع: رد: ما اسمك ؟ 2/4/2009, 01:17

هلا بصديقتنا الجديدة نور
شكراً كتير عالكلام الحلو والمؤثر
وانشالله اقدر اكتب كمان
شكراً لمرورك وردك اللطيف
تحياتي
ربيع

موضوع: رد: ما اسمك ؟ 31/10/2013, 20:47

» اسمك بالياباني
» عدد حروف اسمك
» اسمك بالياباني
» هل تحب اسمك الحقيقي
» شوف اسمك... واضحك