هل الناس الاكثر ضحكا هم الاكتر حزنا؟؟

آلموضوع ليس إلا .. لغز لم يعرفهـ الكثير منآ

كثيراًََ منآ يضحكـ ...!!

الضحك قد بات ليس إلا قناعاً

يحاول الجميع اخفاء المستور كما يقال من ورائه.....!!!!

لم نعد نرى الضحكة و الابتسامة الحقيقية

النابعة من قلوبنا ....إنمااصبحنا نرى ....

مجرد ابتسامات
لا طعم ولا لون لها ....
ترتسم عنوة على وجوهنا ....
نخفي من وراءها مشاعر الحزن
و الأسى واليأس التي نمر بها .... !!!!!

هل اصبح الضحك حقاً قناعاً
نواجه به الأشخاص ....نلبسه كل صباح ....
و نخلعه كل مساء مثقلاً بالابتسامات المزيفة ....!!

ترى هل نحاول خداع أنفسنا

أم خداع الآخرين .....

هل أصبح زماننا الذي نعيشه يفرض علينا التحايل

حتى بالابتسامة و الضحك ...

هل تعايشنا مع قناع الضحك ....

كي لا نشعر الآخرين بمآسينا ....

أم أنه الحال كي نستطيع التعايش مع الآخرين

و يتقبلوننا كنوع من المجاملات ...

هل فعلاً الناس الأكثر ضحكاً
هم الأكثر حزناً ؟!!

بانتظار ردودكم

مرحبا مها
شكراً لك للموضوع الراائع..أنا أعتقد نعم, التاس الأكثر ضحكاً هم الأكثر حزناً..و الضحكة تساعدهم حتى ينسون ولو للحظة آلامهم و الناس لا تعرف همومهم..انا شايف الكثير من الناس اللي لهم هموم كثيرة و لكنهم يضحكون حتى الناس لاتعرف همومهم..

مع حبي و احترامي
عصام

هلا مها
وانا مع كلام عصام ... انا بصراحة بتبع هالأسلوب هاد لما كون بقمة الحزن
يعني بحاول قد ما بقدر اني ما خلي حدا يحس اني حزين او متدايق
لكن مو بالضرورة الناس الأكثر ضحكاً يكونو هم الناس الأكثر حزناً
ففي ناس بتحب تعيش حياتها مبسوطة وبتبقى تضحك وتبتسم
وكتير من الأحيان ما بيكون في بداخلها اي نوع من الحزن
وبالنهاية ... هاد الشي بيرجع لطبيعة الانسان
شكراً الك عالموضوع الرائع
مشاركة مميزة
تحياتي
ربيع

شكرا عصام و ربيع على ردودكم الحلوة
اتفق معكم عالاغلب الناس الاكثر ضحكا هم الاكثر حزنا و في استثناء دائما

ربيع انا لما كنت نزل الموضوع اول شخص خطر عبالي كان انت , ما بعرف ليش من اول ايام دخلت بالمنتدى حسيت ضحكاتك و مزحاتك فيهن نكهة من الحزن , يمكن غلطانة بس هيك حاسة

انشاءالله على طول الفرح و الضحك ترافقك , انشاءالله كل ايامك حلوة

هل الناس الاكثر ضحكا هم الاكتر حزنا؟؟ 454214

مرحبا حبيبتي موها
اولا موضوعك كتير كتير حلو ومهم
تانيا كلامك كتير صحيح وبمنتهى الدقه
يمكن يكون معكن حق ويكون اغلب الناس الأكثر ضحكا هم فعلا الأكثر ألما وحزنا
بس انا برأيي هالشي غلط كبير وبيتوقف على طبيعه هالناس ومدى صلتهم بالناس اللي عم يخفو عنهم ألمهم بابتسامات مزيفه
لأنه متل ما قلتي يا مها وقت الواحد بيحاول يخفي حزنه بقناع الضحك
بيكون عم يخدع حاله قبل ما يخدع الناس اللي حوليه
وغير هيك هالأبتسامات المزيفه بتزيد من ألم وحزن صاحبها
لأنها بتخليه منطوي على نفسه ومنفرد بمشاكله وهمومه
وبنفس الوقت بتبعده عن الناس اللي ممكن يكونو سبب خروجه من حزنه
لأنه متل ما بيقول المتل اللي بيشوف مصايب غيره بتهون عليه مصيبته
فلما الواحد بيكون على طبيعته مع كل الناس وبيشاركهن همومه ومشاكله
وبيشوف اهتمامهن فيه ومحاولتهن مساعدته وتعاطفهن معه
اكيد وقتها بدون ما ينتبه حتنرسم على وجهه ابتسامه عفويه
نابعه من القلب وكلها أمل وتفائل
والله يبعد عني وعنكم كل هم وغم وحزن وألم
أمين أمين أمين

مروة حبيبتي عجبني كثير رأيك , اتفق معك بشدة , الانسان بهيك حالة عم يخدع نفسه , يعني يمكن هو قصده خير و ما بده الغير يزعلوا على حزنه بس هيك رح يضر حاله لأن الحزن يبقى معه بجواته

تحياتي لك مروة , شكرا على المشاركة