حوارنا اليوم مع الغالية وصاحبة التصاميم الرائعة ... إيمان ، أمونة

مرحبا أحبابي

رجعنا للحوارات واللقاءات حتى نتعرف على أحبابنا عن قرب

هالمرة الحوار رح يكون مع أمونة٠٠إيمان
وبما ان أمونة حبيبتي من بلدي ومن حلب تحديدا فقلت ضروري ابتدي معها الحوار
بس الله يستر ما يقلب كلامنا للحلبي وما تفهموا علينا حوارنا اليوم مع الغالية وصاحبة التصاميم الرائعة ... إيمان ، أمونة 457343

حوارنا اليوم مع الغالية وصاحبة التصاميم الرائعة ... إيمان ، أمونة 457343

٠٠٠٠٠

حبيبتي أمونة بدنا نعرف شوي عن حياتك ضمن اسرتك٠٠يعني عدد اخواتك وموقعك بينهم
كيف كنتي بطفولتك؟هادئة، ورشة، عصبية احكيلنا شوي

أثناء مرحلة الدراسة كيف كنتي؟؟شطورة ؟ شو المدارس اللي رحتيها
احكيلنا شوي عن موقعها بالبلد ٠٠واذا عندك صور كمان ما بقول لأ٠٠ مشتاقة لحلب

هلأ بالجامعة شو الفرع اللي درستيه وكم سنة وبأي جامعة؟ كيف كانت ايام الجامعة؟
حلوة؟ متعبة؟
كان عندك صداقات؟؟
اذا عندك..هل هالصداقات استمرت ام راحت ادراج الرياح؟

هلأ أمونة بعد التخرج٠٠لقيتي شغل مباشرة ولا تعذبتي؟؟
هل عملك متعلق بمجال دراستك؟؟
ضمن مشاركاتك فهمت ان عدد ساعات عملك طويلة كتير٠٠ليش كل هالقد؟؟؟
بعدين هل بتحبي عملك ولا شي ضروري ولازم تقومي فيه؟

بهالحياة بعيد عن الشغل كيف بتقضي وقت فراغك؟
شو اهتماماتك وميولك؟
بتقضي وقتك مع صديقاتك اكتر ولا ضمن الاهل والاقارب
كيف علاقتك بأهلك واخواتك؟

اكيد كلنا منعرف موهبتك بالتصاميم٠٠كيف تعلمتي هالشي؟
بالاضافة للتصميم٠٠بتحبي الرسم؟؟عندك لوحات قمتي برسمها؟؟

هل أمونة تعتبر نفسها سعيدة بحياتها ضمن عائلتها وببلدها؟
شو طموحاتك وتفكيرك للمستقبل؟
بتفكري تسافري خارج سوريا ولا هالشي مو وارد عندك
ان شاء الله وقت بتتزوجي يهمك ان زوجك يكون ساهري ولا مو فارقة
اختيارك لشريك حياتك كيف رح يكون؟يعني بشو بتهتمي اول شي
عندك شرط ان الشخص يكون سوري وحلبي ولا مافي تحديد؟

هلأ أمونة ايمتى ابتدت تحب القيصر؟
شو اول اغنية بتذكري انك سمعتيها ومتل ما منقول علقتي بشباك القيصر؟
سبق وحضرتي حفل للساهر؟
شو الأغنية اللي تحبي تسمعيها على طول؟
بتسمعي للقيصر كل يوم ولا مو بالضرورة
بالبيت انتي الوحيدة المحبة للقيصر ولا أفراد عائلتك بيشاركوكي هالشي؟
بتسمعي بس للقيصر ولا عندك مطربين آخرين
مين هم اذا وجدوا وشو الأغاني اللي تحبي تسمعيها

بالنسبة للمنتديات٠٠بتحبي تشتركي بمنتدبات بشكل عام؟
انت مشاركة بأكثر من منتدى ساهري ولا بس بالتجمع؟
كيف تعرفتي على تجمعنا وانضميتي لأسرتنا الحلوة؟
هل كونتي صداقات ولا علاقتك بالأعضاء رسمية وضمن التجمع فقط

هلأ أمونة وبدون مجاملات بدك تقوليلنا شو اللي بتحبيه واللي ما بتحبيه بهالتجمع؟
كيف بتشوفي الادارة والمشرفين؟وكذلك الأعضاء
شو ملاحظاتك٠٠اكيد نريد نعرف رأيك لتطوير التجمع

من فضلك علقي على كل اسم بكلمة واحدة تخطر ببالك

مها
ابراهيم
سوسو
شمس
ربيع
بيلما
هند
عصام
عائشة
ريم

هلأ لمين بتهدي هالأغاني سواء بالتجمع او خارجه٠٠كل اغنية لشخص واحد

منو إنت
٦٠٠ بوسة
استعجلت الرحيل
بعدك بأحلى العمر
لا تحرموني منه
محروس
أنا وليلى
حبيبتي والمطر
سلامتك من الآه
الك وحشة
حبيبتي

عندك ٥ وردات بدك تعطيهم لخمس اشخاص٠٠مين هم؟
حوارنا اليوم مع الغالية وصاحبة التصاميم الرائعة ... إيمان ، أمونة 8917

حوارنا اليوم مع الغالية وصاحبة التصاميم الرائعة ... إيمان ، أمونة 8917

حاليا انتهت الاسئلة اللي ببالي واكيد بترك الفرصة لباقي الأحباب حتى يطرحوا اسئلتهم
اتمنى ما كون تقلت عليكي أمونة
حوارنا اليوم مع الغالية وصاحبة التصاميم الرائعة ... إيمان ، أمونة Icon_redface

بس حابة كتير نتعرف عليكي

محبتي
حوارنا اليوم مع الغالية وصاحبة التصاميم الرائعة ... إيمان ، أمونة 8917

بشرى

حواااااااااااااااااار كتير حلووووووو
وبصراحة عجبتني كثير اسئلتك

يلا اموونة ردي على الاسئلة واذا تذكرت كم سؤال اكيد راح اسألك

حوارنا اليوم مع الغالية وصاحبة التصاميم الرائعة ... إيمان ، أمونة 8917

شمس الساهر كتب:: حواااااااااااااااااار كتير حلووووووو
وبصراحة عجبتني كثير اسئلتك

يلا اموونة ردي على الاسئلة واذا تذكرت كم سؤال اكيد راح اسألك

شكرا حبيبتي شموسة
من لطفك وذوقك غاليتي
حوارنا اليوم مع الغالية وصاحبة التصاميم الرائعة ... إيمان ، أمونة 361393

بإنتظار ردود امونة
محبتي
بشرى

واااااااااااااااو استوت الطبخة ؟

قصدي الحوار صار جاهز ؟

والله يا بشرى طلعتي ذكية كثير , اسئلتك حلوووووة كثير , وين كنتي متخبية هالفترة يا صحفية ؟

يالا بانتظار امونة و اجاباتها و انشاءالله من خلال اجوبتها اذا خطرت لي اي اسئلة ما رح قصر

كتيير حلوة الاسئلة بشرى
تسلم ايديكي
حقيقي مختاريتهم بذوق
يعطيكي الف عافية

وبانتظار غاليتنا الوردة الحلوة ايمان

تقديري

يا عيني عليكي يا بشورة
على هيك أسئلة الحمد لله طلعت أمونة الضحية مو انا
حوارنا اليوم مع الغالية وصاحبة التصاميم الرائعة ... إيمان ، أمونة Lol

فعلاً الأسئلة كتير حلوة وناطرين بفارغ الصبر أجوبة أيمان
وانا بلشت حضر أسئلتي الها

شكراً كتير الك بشورة
تحياتي
ربيع

تسلم ايدك بشوره
بجد برافو عليكي
بس برايك هيك اسئله كافين
انا بشوف انهم قليل

بس يلا ندبر حالنا بيهم في الغوص في شخصية امونه اكثر

و انا شخصيا في انتظار الردود على نار

يلا ايمان تعالي بسرعه

مرحبا

الاسئلة كثير حلوة يا بشرى و أكيد من خلال ردود ايمان سنتعرف أكثر على شخصيتها و أفكارها. ربي يخليك لنا

بانتظار ردود ايمان.

أطفأت الأنوار
وأسدلت الستائر
وصمت الجميع
ولا يسمع غير صوت آلة عرض
شريط السينما و الفلم بعنوان
أيمان .... الماضي و الحاضر والمستقبل
فاصل موسيقي ونعود
حوارنا اليوم مع الغالية وصاحبة التصاميم الرائعة ... إيمان ، أمونة 186278

حوارنا اليوم مع الغالية وصاحبة التصاميم الرائعة ... إيمان ، أمونة 186278

اها امونة الفلم اكيد راح يكون رائع ما دام
انت البطلة
قلبي معك والله

يااااا سلااام عليكِ يا بشرى على هالاسئله اللي بقمه الروعه
واحنا بأنتظار امونه عشان نشوف شو عندها اجوبه

تحياااتي

اكيد حوار حلو جدا وراقي

طالما انه من طرف بشرى

لكن الاحلى انه الحوار مع الاخت ايمان

قبل ما تجاوب ايمان عالاسئلة

صدقوني راح تستمتعوا كتير بالحوار

موفقة ايمان

وشكرا بشرى لاختيار ايمان

تحياتي

الله الله الله
تسلم أيدج بشرى على الحوار الرائع
أكيد الحوار راح يكون ممتع ما طول مع الاخت
أمونه الاموره

Maha كتب:: واااااااااااااااو استوت الطبخة ؟
قصدي الحوار صار جاهز ؟
والله يا بشرى طلعتي ذكية كثير , اسئلتك حلوووووة كثير , وين كنتي متخبية هالفترة يا صحفية ؟
يالا بانتظار امونة و اجاباتها و انشاءالله من خلال اجوبتها اذا خطرت لي اي اسئلة ما رح قصر

هل عندك شك بذكائي يا مهاوي؟؟؟ حوارنا اليوم مع الغالية وصاحبة التصاميم الرائعة ... إيمان ، أمونة 457343

؟؟؟
الحمد لله ان الحوار عجبك وبإنتظار أمونة
محبتي
بشرى

ورقة الغار كتب:: كتيير حلوة الاسئلة بشرى
تسلم ايديكي
حقيقي مختاريتهم بذوق
يعطيكي الف عافية
وبانتظار غاليتنا الوردة الحلوة ايمان
تقديري

من ذوقك بيلما
اتمنى نتعرف على ايمان عن قرب
لأنها اخت غالية جداااا
بالإنتظار
بشرى

ربيع كتب:: يا عيني عليكي يا بشورة
على هيك أسئلة الحمد لله طلعت أمونة الضحية مو انا

فعلاً الأسئلة كتير حلوة وناطرين بفارغ الصبر أجوبة أيمان
وانا بلشت حضر أسئلتي الها
شكراً كتير الك بشورة
تحياتي
ربيع

امونة الضحية هالمرة وجاييك الدور بقى لا تفرح كتير
حوارنا اليوم مع الغالية وصاحبة التصاميم الرائعة ... إيمان ، أمونة 663809

شكرا لمرورك ربيع
نورت
بشرى

sousou كتب:: تسلم ايدك بشوره
بجد برافو عليكي
بس برايك هيك اسئله كافين
انا بشوف انهم قليل

بس يلا ندبر حالنا بيهم في الغوص في شخصية امونه اكثر
و انا شخصيا في انتظار الردود على نار

يلا ايمان تعالي بسرعه

الله يسلمك يا ام السوس
انا اكتفيت حاليا بهالأسئلة لأترك المجال لغيري
يلا وين اسئلتك؟
حوارنا اليوم مع الغالية وصاحبة التصاميم الرائعة ... إيمان ، أمونة Icon_scratch

عصام كتب:: مرحبا
الاسئلة كثير حلوة يا بشرى و أكيد من خلال ردود ايمان سنتعرف أكثر على شخصيتها و أفكارها. ربي يخليك لنا
بانتظار ردود ايمان.

يا هلا عصوم
كلك ذوق ولطف يا عصام
الله لا يحرمني طلتك ومشاركاتك الحلوة
تحياتي
بشرى

إيمان كتب:: أطفأت الأنوار
وأسدلت الستائر
وصمت الجميع
ولا يسمع غير صوت آلة عرض
شريط السينما و الفلم بعنوان
أيمان .... الماضي و الحاضر والمستقبل
فاصل موسيقي ونعود

أطفأت الأنوار
وأسدلت الستائر
وصمت الجميع
ولسه بإنتظار تشريف البطلة
وينك أمونة؟؟؟
حوارنا اليوم مع الغالية وصاحبة التصاميم الرائعة ... إيمان ، أمونة 126804

حوارنا اليوم مع الغالية وصاحبة التصاميم الرائعة ... إيمان ، أمونة 126804

بإنتظارك على نااااار
لا تتأخري
حوارنا اليوم مع الغالية وصاحبة التصاميم الرائعة ... إيمان ، أمونة 729145

kazem jo كتب:: يااااا سلااام عليكِ يا بشرى على هالاسئله اللي بقمه الروعه
واحنا بأنتظار امونه عشان نشوف شو عندها اجوبه
تحياااتي

هالمرة نفدت يا برهوم
قريبا جاييك الدور ان شاء الله
حوارنا اليوم مع الغالية وصاحبة التصاميم الرائعة ... إيمان ، أمونة 457343

نورت المشاركة بمرورك
بشرى

NiDaL كتب:: اكيد حوار حلو جدا وراقي
طالما انه من طرف بشرى
لكن الاحلى انه الحوار مع الاخت ايمان

قبل ما تجاوب ايمان عالاسئلة
صدقوني راح تستمتعوا كتير بالحوار

موفقة ايمان
وشكرا بشرى لاختيار ايمان

تحياتي

شكرا نضال لكلامك اللطيف
ان شاء الله كون دائما عند حسن ظنكم بي
اكيد بإنتظار الغالية إيمان
تحياتي
بشرى

هند الساهر كتب:: الله الله الله
تسلم أيدج بشرى على الحوار الرائع
أكيد الحوار راح يكون ممتع ما طول مع الاخت
أمونه الاموره

الله يسلمك يا هنودة
شكرا لمرورك حبيبتي
منورتينا
بشرى

مرحباً يا جماعة الصلح خير وما في داعي للأجوبة
لا لا لا عم بمزح معكم

بسم الله الرحمن الرحيم نبدأ

أولا أشكر حبيبة قلبي بشرى يلي اختارتني انا للحوار
واشكر كل غالي وغالية رحبوا بهذا الحوار

مع أني أنصحكم بلا تتعرفوا على هالشخصية الفذة
بس على ما يبدو انكون مصريين خلص ذنبكون على جنبكون

راح ابدأ بالأجوبة والله المعين

حبيبتي أمونة بدنا نعرف شوي عن حياتك ضمن اسرتك٠٠يعني عدد اخواتك وموقعك بينهم
كيف كنتي بطفولتك؟هادئة، ورشة، عصبية احكيلنا شوي
انا اسمي أيمــان طبعا كلكون بتعرفو
نحنا 6 بنات وولد وحيد وهو رقم 7
وانا ترتيبي بين خواتي التاني يعني في وحدة بس أكبر مني
انا بطفولتي يا ستي كنت طبعاً وما زلت هادئة جداً جداً لدرجة البرود ورغم هدوئي عنيدة جداً يعني اذا بقرر شغلة لازم أعملها لو شو ما صار
جدية جداً نادراً ما أضحك أحب المرح لكن لا أعرف أن أكون كذلك
أحب خفة الدم بس ترافقها اللطافة
منعزلة بعض الشيء
مهما اختلطت بناس كتير كتير ألجاء آخر المطاف إلى الوحدة

أثناء مرحلة الدراسة كيف كنتي؟؟شطورة ؟ شو المدارس اللي رحتيها
احكيلنا شوي عن موقعها بالبلد
٠٠واذا عندك صور كمان ما بقول لأ٠٠
مشتاقة لحلب
الله عليكي يا بشورة رجعتيني 27 سنة للخلف
أنا درست المرحلة الابتدائية في مدرسة اسمها جبل الشيخ قريبة نوعاً ما من منطقة بيتنا
طبعاً كانت أحلى أيام حياتي كنت أكيد شطورة كتير بس ما كان عندي رفقات كتير
كنت انتسبت إلى طلائع البعث متل أنشطة لطلاب المدارس لتنمية المواهب
وانا يا اخواني كنت أحب عمل ورد السيراميك اشتركت بالأنشطة وكنت كل سنة آخد جائزة
ولما صرت بالصف السادس منحتني الدولة أنا و14 طالبة معي بعثة إلى ألمانيا طبعاً يإسم طلائع البعث
وهنا كانت الصفعة الآولى بحياتي
أهلي ما خلوني أسافر قال شو بخافوا علي طبعاً انا ما كنت استوعب خوف الأهل على اولادهم
وزعلت كتير وضليت اسبوع ما احكي مع حدا بس بعدين مشي الحال وفديناها برحلة إلى البحر
وبعدين صرت بالمرحلة الاعدادية وتحولت المدرسة إلى مدرسة الملكة بلقيس كانت بجنب بيتنا بالظبط بمنطقة اسمها سيف الدولة
أكيد بشورة تعرف المنطقة
وكنت دائما لوحدي وكنت امشي الحيط الحيط وقول يا ربي الستر
وبعد جهد جهيد قدرت أختار صديقة واحدة فقط ومن بعد المرحلة الثانوية تزوجت صديقتي ورجعت لوحدي من جديد
طبعا لحد الآن بزورها وبتزورني بس ضمن حدود طبعاً لأن عندها بيت وأولاد ومسؤليات يعني ما بحب أشغلها فيني

هلأ بالجامعة شو الفرع اللي درستيه وكم سنة وبأي جامعة؟ كيف كانت ايام الجامعة؟حلوة؟ متعبة؟
كان عندك صداقات؟؟اذاعندك..هل هالصداقات استمرت ام راحت ادراج الرياح؟
بشورة ليش هالإحراج
حبيبتي انا ما وصلت للجامعة للأسف الشديد
انا درست للثالث الثانوي فقط وكنت في مدرسة الفنون الجميلة وبعدين سافرنا انا واهلي إلى بيروت لأن بابا كان يشتغل هناك
حبيت لبنان كتير وهناك سجلت بمعهد خاص وتعلمت التصميم على برامج الكوريل درو – افوتوشوب – الاوتوكاد
طبعاً في هذه الأثناء كانت هالبرامج قليلة جداً وغير منتشرة في سورية يعني يلي يعرفوا التصميم على الكمبيوتر أقلة هالكلام كان عام
1995 وبعد خمس سنوات رجعنا لحلب

هلأ أمونة بعد التخرج٠٠لقيتي شغل مباشرة ولا تعذبتي؟؟هل عملك متعلق بمجال دراستك؟؟
ضمن مشاركاتك فهمت ان عدد ساعات عملك طويلة كتير٠٠ليش كلهالقد؟؟؟
بعدين هل بتحبي عملك ولا شي ضروري ولازم تقومي فيه؟
ما رح قول بعد التخرج راح قول بعد ما رجعت من بيروت حسيت بفراغ كبير
كان في معاهد خاصة لتعليم الكمبيوتر ولأني حبيت كتير هالمجال قررت اني أعطي دروس لتعليم الغرافيك ديزاين
ومن أول معهد دخلت حصلت على الموافقة للتدريس وضليت أدرس فيه لمدة 3 سنوات
بس التدريس كان صعب كتير ومسؤولية كبيرة يعني إذا طالب واحد ما فهم فقرة وحدة أحس اني ارتكبت ذنب كبير المهم
مرة وانا طالعة من المعهد شفت اعلان مطلوب مصممة تجيد العمل على برامج التصميم
والله ما كذبت خبر ودخلت عالمكتب لأشوف شو القصة وكانت القاضية انا دخلت عالمكتب وعلقت فيه وما زلت أعمل بنفس المكتب منذ عام 1999
وأعتبر هالمكتب هو عالمي الخاص لا أستطيع الاستغناء عنه
وسبب ساعات العمل الطويلة هية انو ما في غيرانا لوحدي بالمكتب وهالمكتب معروف على مستوى سوريا
يعني الشغل فيه كتير كتير كتير والمدير عرض علي مرات ومرات انو يجيب موظفة تانية معي حتى تساعدني وأنا رفضت
وفضلت ابقى لوحدي وطبعاً لازم كون قد المسؤولية
وأنا بشكل عام أحب العمل إثبات للذات ما بحب كون على هامش المجتمع

بهالحياة بعيد عن الشغل كيف بتقضي وقت فراغك؟
شو اهتماماتك وميولك؟
بتقضي وقتك مع صديقاتك اكتر ولا ضمن الاهل والاقارب
كيف علاقتك بأهلك واخواتك؟
آآآه يا بشورة أي فراغ والله 24 ساعة ماعم بتكفي شوفي يا ستي
انا من الصبح للمسا بالمكتب برجع عالبيت الساعة تقريباً 11 باليل بسهر شوي مع أهل طبعاً حتى هنن ينعسو ويناموا
وبضل سهرانة لوحدي بشتغل أشغال يدوية متل شغل الإيتامين
عمل ورد من قماش عمل شمع للزينة يعني كل شي يدوي لأني أعشق الأشغال اليدوية
ويوم الجمعة طبعاً عندي يوم عظم بيجتمع فيه كل خواتي وأزواجهون وأولادهون و بصير شكل البيت كأن صاير فيه حرب عالمية متل حمام ومقطوعة فيه الماء

اكيد كلنا منعرف موهبتك بالتصاميم٠٠كيف تعلمتي هالشي؟
بالاضافة للتصميم٠٠بتحبي الرسم؟؟عندك لوحات قمتي برسمها؟؟
أكيد انا بحب الرسم بحب الألوان من صغري كنت دائماً ارسم على حيطان حديقة المنزل
بس ما كانت أمي تعاقبي بالعكس كانت دائماً تشجعني وكل ما خلصوا عندي الألوان تجبلي غيرهوم
وكبرت وكبرت الموهبة معي بس ما بقى برسم عالحيطان وصرت أرسم لوحات يعني أنا بشوفها حلوة لأنها شغل إيدي بس ما بعرف كيف غيري بشوفها أهلي بقلولي انو كتير حلوين وراح ارفق أول لوحة رسمتها ان شاء الله في وقت لاحق وراح تشوفي كيف بعد ما خلصت الرسم نزعت الرسمة بتلوين الخلفية

هل أمونة تعتبر نفسها سعيدة بحياتها ضمن عائلتها وببلدها؟
شو طموحاتك وتفكيرك للمستقبل؟
بتفكري تسافري خارج سوريا ولا هالشي مو وارد عندك
ان شاء الله وقت بتتزوجي يهمك ان زوجك يكون ساهري ولا مو فارقة
اختيارك لشريك حياتك كيف رح يكون؟
يعني بشو بتهتمي اول شي
عندك شرط ان الشخص يكون سوري وحلبي ولا مافي تحديد؟
طبعاً بعتبر حالي عشت كل مراحل الحياة كما يجب
وكنت سعيدة فيها بحلوها وبمرها
أنا بحلم اني ألف الكون لو بإيدي بس طبعاً ليس كل ما يتمناه المرء يناله
اختياري لشريك حياتي يا بشورة والله صعب مهما اختر ومهما حطيت شروط ومقاييس
مارح آخود غير نصيبي

هلأ أمونة ايمتى ابتدت تحب القيصر؟
شو اول اغنية بتذكري انك سمعتيها
ومتل ما منقول علقتي بشباك القيصر؟
انا اول مرة بسمع لكاظمكنت باللاذقية محافظة من محافظات سورية
كنت في سن المراهقة والله يا بشرى انتي ناوية تفضحي أسراري
شوفي يا ستي كنا في زورق في وسط البحر وكان في صياد يقود الزورق ومو شايفين حولنا غير السما و البحر أزرق بأزرق والصياد شو كان شب حلوووووووووو حطيت عيني عليه قصدي هو حط عينو علي وحطلي أغنية عبرت الشط وكانت من أروع الأغاني يلي اسمعتها بهالفترة وبعد ما رجعنا على حلب طبعاً نسيت الصياد ونسيت الزورق بس يلي ضل في ذاكرتي أغني عبرت الشط ومن يومها وأنا أعشق كاظم

سبق وحضرتي حفل للساهر؟شو الأغنية اللي تحبي تسمعيهاعلى طول؟
والله كاظم عمل عنا مرة حفلة بالقلعة بحلب وكنت بتمنى اني أحضر الحفلة بس الظروف ما ساعدتني
والأغنية يلي بحب اسمعها دائماً وأبداً ولازم يومين والتالت لازم اسمعها أغنية لا يا صديقي
بتسمعي للقيصر كل يوم ولا مو بالضرورة
بالبيت لازم كل يوم بس بالشغل حسب الوضع يعنياذا عندي شغل كتير ما بسمع اغاني بفضل الموسيقى فقط حتى أركز بالشغل
بالبيت انتي الوحيدة المحبة للقيصر ولا أفراد عائلتك بيشاركوكي هالشي؟
كلنا بالبيت منحب كاظم وحتى ماما بس بابا مو كتير عندو أم كلثوم مقدسة ما في لا قبلها ولا بعدها
بتسمعي بس للقيصر ولا عندك مطربينآخرين مين هم اذا وجدوا وشو الأغاني اللي تحبي تسمعيها
بحب أسمع لـ عبد الحليم – ماجدة الرومي –جوليا بطرس
وبسمع كتير لموسيقى ريتشارد ياني

بالنسبة للمنتديات٠٠بتحبي تشتركي بمنتدبات بشكل عام؟
لا لا لا أبداً
انتمشاركة بأكثر من منتدى ساهري ولا بس بالتجمع؟
لا بس بالتجمع
كيف تعرفتي على تجمعنا وانضميتي لأسرتنا الحلوة؟
طيب راح احكي بصراحة بس بدون زعل وما حدا يفهمني غلط ماشي
أنا بصراحة ماكان يخطر ببالي اني أنضم لأي منتدى
بصراحة دخلت عالمنتدى حتى دور على ايميل عزيزتي الدكتورة نشوى جرار كانت صديقتي لما كانت تدرس بجامعة حلب طب أسنان
كانت كل ما ينزل ألبوم جديد لكاظم كانت تعمل كتيب صغير لتحليل كل أغنية في الألبوم وكنت أنا أعمللها تصاميم لكل أغنية على حدا
وآخر تصميم عملتلها ياه كان إيقاعات على مقام يديك أول كتاب شعر من كتابات نشوى وبعد التخرج رجعت للأردن
وما عدت سمعت عنها شي ولما نزلت أغنية نمت وحلمت قلت لازم ابعتلها ايميل واهنيها على نجاح هالأغنية
ودورت على إيميلها ما لقيتو دخلت عالمنتدى وعملت اشتراك وطلب الايميل من شخص غالي علي كتير وخدمني خدمة ما رح انساها بحياتي
ولما شفت المنتدى و الاحترام بين الأعضاء والصداقة و الأخوة و المحبة الواضحة يلي ما شفتها بإي منتدى آخر
حبيت كتير أني ابقى وعلقتوا فيني
وهاي تصميم الغلاف للنسخة الأولى لكتاب نشوى واذا بتلاحظي في عليه توقيع بإسم المكتب

هل كونتي صداقات ولا علاقتك بالأعضاء رسمية وضمن التجمعفقط
طبعاً كل أعضاء التجمع أصدقائي وأحبابي وغاليين علي كتير
بس طبعاً لا يخلو الأمر اني أكون صداقة مع أي عضو أحس انو قريب مني وأفكارنا متقاربة أكيد
يعني بالمختصر يا بشورة في صديقة وحيدة وأخت غالية علي وما بستغني عنها أبداً

هلأ أمونة وبدون مجاملات بدك تقوليلنا شواللي بتحبيه واللي ما بتحبيه بهالتجمع؟
كيف بتشوفي الادارة والمشرفين؟وكذلك الأعضاء
انا بصراحة حبيت روح الأخوةيلي موجودة بين الأعضاء ما بتحسي انو أغراب
وانو كل واحد من بلد بتحسي الكل ببيت واحد
والإدارة بحسها دائماً حريصة على سمعت المنتدى وغيورة على سمعت الأعضاء
شو ملاحظاتك٠٠اكيد نريد نعرف رأيك لتطوير التجمع
ملاحظاتي أنا بشورة
أقول وتضمني ما حدا يزعل مني
كثرة المواضيع وكثافتها تفقد بعض المواضيع القيمة حقها بالتعليق
والله ما بعرف كيف لازم يكون حل هالقصة

من فضلك علقي على كل اسم بكلمة واحدة تخطرببالك
تقمر يا عسل راح قول عن كل من

مها ( شفافة )
ابراهيم( رقيق )
سوسو ( لذيذة )
شمس( عسل )
ربيع( غالي )
بيلما( صادقة )
هند ( رائعة )
عصام( محترم )
عائشة( لطيفة )
ريم( مشاكسة )
وانتي بشورة ما رح انساكي ( حبيبة قلبي وبنت بلدي )

هلأ لمين بتهدي هالأغاني سواء بالتجمع او خارجه٠٠كل اغنية لشخص واحد
منو إنت
اعذروني عن ذكر الاسم

٦٠٠بوسة
بنت أختي

استعجلت الرحيل
صديقة لي توفيت

بعدك بأحلى العمر
أخي وحبيب قلبي

لاتحرموني منه
لبلدي الغالي سوريا

محروس
حبيبتي بيلما

أنا وليلى
صديق قديم

حبيبتي والمطر
الغالية بشورة

سلامتك من الآه
أمي

الك وحشة
خالي الغالي

حبيبتي
صديقتي أيام المدرسة

عندك ٥ وردات بدك تعطيهم لخمساشخاص٠٠مين هم؟
الوردة الأولى لأمي الغالية
والثانية لخواتي
والثالثة للغالية بشورة
و الرابعة لقطرة الندى بيلما
والخامسة راح أنثرها على كل أعضاء المنتدى

وأخيراً خلص التحقيق بتمنى ما يكون دمي تقيل عليكون
وما تكون أجوبتي مملة وسامحوني إذا كان في أخطاء أو اني غلطت بحق أي شخص موجود معنا
تقبلوا مني كل احترام
----- إيمان

اموووووونة
حرام عليكي ليش هالانتقام؟؟؟؟
حوارنا اليوم مع الغالية وصاحبة التصاميم الرائعة ... إيمان ، أمونة 900362

الخط كتير صغير
حوارنا اليوم مع الغالية وصاحبة التصاميم الرائعة ... إيمان ، أمونة Icon_redface

يا ريت تعديله بلييييييز
حوارنا اليوم مع الغالية وصاحبة التصاميم الرائعة ... إيمان ، أمونة 729145

امونة رغم صغر الخط ما قدرت قاوم وقريت كل كلمة كتبتيها
لا تقوليلي شلون٠٠المهم قدرت اقرأ اجوبتك
حوارنا اليوم مع الغالية وصاحبة التصاميم الرائعة ... إيمان ، أمونة Icon_study

كتيييير حلو اسلوبك أمون
فيكي طباع الحلبية٠٠صريحة، واضحة، بتفتحي قلبك عالآخر
حوارنا اليوم مع الغالية وصاحبة التصاميم الرائعة ... إيمان ، أمونة 973669

كمان لاحظت من خلال أجوبتك كتير أمور بتجمعنا وهالشي أسعدني كتير
حوارنا اليوم مع الغالية وصاحبة التصاميم الرائعة ... إيمان ، أمونة 361393

أكيد الي رجعة بس هاد تعليق أولي
كتير كتير سعيدة بحوارك أمون
يا ريت عملته من زمان
محبتي
حوارنا اليوم مع الغالية وصاحبة التصاميم الرائعة ... إيمان ، أمونة 8917

بشرى