يسعد صباحك ... للشاعر عبد الرحمن بن مساعد

يسعد صباحك يا حبيبي،، حالي طيب

كل شي مثل اللي كان

المدامع ،، والمواجع

والأمان اللي اختفى لحظة غيابك

والليالي اللي مضت

مثل الليالي اللي مضت

الهم عازف

والدمع نازف

والعمر في غيبتك ،، ! حاير وخايف

حتى جراحك وسط قلبي مثل ماهي

وفي شفاهي باقيٍ نفس الكلام اللي بقى،، آخر لقا

مثل مانت يا حبيب الروح شايف

كل شي مثل اللي كان

وحالي طيب

يسعد صباحك يا حبيبي

هذا انت

كل ما ضاقت بي الدنيا ،، تغيب

وكل ما ضاقت بك الدنيا ،، تجيني

هذا انت

ان كساك الهم ،، صرت أوفى حبيب

وان نساك الهم،، تتباهى بـ أنيني

مثل منت ،، دايم تجي فـي وقتك حبيبي

بعد ما وقتك يروح

يا آخر دموعي وشجوني

وأول إحساسي جروح

ما بقالي من عذابي يا حبيبي الا انت

وهذا انت يا حبيب الروح شايف

كل شي ،، مثل اللي كان

وحالي طيب

يسعد صباحك يا حبيبي

هذا ضي الصبح ؟ أو هو بعض نورك ؟!

هذا همس الورد ؟ أو دافي شعورك ؟!

منهو مثلك ؟في غرورك ؟!

جيت متأكد باسامح

راسم الطيبة ،، ملامح

ماهو بدري ؟ ؟

انت تدري

ما قتلني غيابك ،، اكثر من حضورك

أيـــه كان العمر داكن

ايه كان الهم ساكن

وقتي بعدك

بس أنا يا ضيّ عمري

كنت عودت الأماكن تألف بعادك وصدك

ياللي ما يرضيني ضعفك

ما ادري انثر فوق كتفك أغلى دمعي ،، او أردك

الشاعر المبدع عبد الرحمن بن مساعد

تسلمي للنقل ايمان
ننتظر كل شيء منك
لان كل ما تعطينا جميل

صفحاتي دائماً تنتظر مرورك الرائع يا بيلما
لا تحرمينا طلتك المميزة