ابليــــس يصـــف الوضـــع والحالـــة في البلاد

ابليــــس يصـــف الوضـــع والحالـــة في البلاد

كان في غرفته , يلملم ملابسه في حقيبة إلى جانب باقي متعلّقاته , على المنضدة القريبة كانت استقالته موقّعة ومختومة حسب الأصول , وبجوارها تقبع تيكت إلى جزر القمر

كانت ملامح وجهه في تلك اللحظات تنطق بالحزن, الكآبة , الإحباط , اليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل إبليس راحلٌ عن بلادنا إلى غير رجعة... فليفرح المؤمنون ....
وين يامسهّل؟ ليش عم بتضبّ غراضك

يازلمة ماضلّلي قعدة عندكون, إلي سنين عاطل عن العمل وقرّبت موت من الجوع .. ما بلاقي معك سيجارة يا أخي ؟

ما رح أترك فيكم لاوسواس ولا خنّاس! كنت زمان بوسوس للوحدة تترك ابنها يبكي وهي عم تحكي مع جاراتها, هلأ صاروا لحالهم يرموا اولادهم بالحاوية أوّل مايجوا

كنت وسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يا زلمة إذا أنا إبليس تسمّمت بالشاورما

كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط , وتنين عم بينبشوا بمكبّ الزبالة بتئوصهن الشرطة , إنتو بدّكون إبليس إنتوا ؟

صار عندكم فائض بالفساد بكفّي 30 سنة لقدّام, صرت خاف على حالي منكم يا زلمة

صرت اتجبر مرّات وسوس بالمقلوب وقول للمسؤول إرحم وللحرامي بيكفّي خلّي شويّ للحراميّة اللي رح ييجوا بعدك

يعني إذا إنتو لحالكون ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تكسي يعني ولاّ أفتح صالون حلاقة ؟

منقول من ايميلي !

شو رأيكم يا جماعة .. انتوا مع كلام ابليس او ضده ؟

هههههههههههههههههههههههههههههههه

مرحبا مها

شكراً لك للموضوع الجميل.. والله معه حق. في هذا الزمن, الكل استسلموا لابليس و الكثير من الناس يقدرون يعلمونه اشياء كثيرة!!!

مع حبي و احترامي
عصام

بصراحه معه حق يا مها
والله صار بينا ناس اكثر من ابليس اللهم احفظنا
الف الف شكر مها على الابتسامات الجميلة
لا تحرمينا من المزيد
سلامي

مرحبا موها

أعوذ بالله من الشيطان الرجيم أولا

كل الكلام والعمايل المكتوبه للأسف صحيحه

بس أكيد وراها ابليس بشكل أو بأخر

الله يجيرنا من هالزمن اللي كل يوم وكل لحظه

عم يصير أسوأ و أوسخ من الأول

شكرا حبيبتي للنقل المميز

والله يهدينا ويهدي أمتنا أجمعين

أمين يا رب

والله معه حق ابليس يحكي هالحكي
صار لازم ياخد دروس من الناس
lol!

تسلم ايديكي مها عالموضوع الحلو
تحياتي
ربيع

» جريدة البلاد:كاظم الساهر قبل وبعد.
» صور بيوت ارم ذات العماد التي لم يخلق مثلها في البلاد