وأخيرا حوار سوسو الجزء الثاني صار جاهز

تذكير بمساهمة فاتح الموضوع :

مرحبا جميعا
كما تم الاتفاق مسبقاً سنبدأ بالحوار مع الغالية سوسو
وسيكون الحوار على جزئين لكثرة الأسئله ولسهوله الأجابه من قبل سوسو
اللي بيحب يسأل سوسو أي سؤال مو موجود بهالجزء من الأسئله
يا ريت يبعتلي أسئلته برساله خاصه حتى ضيفه للجزء التاني من الحوار
لعدم تكرر نفس الأسئله بصيغ مختلفه وشكرا للجميع
حبيبتي سوسو
لا تخافي من كتر الأسئله لأنه أغلبها إجاباتها بسيطة ومختصره
وطبعا أي سؤال ما بيعجبك أو بيحرجك مالك مضطرة تردي عليه
وإذا في شي من كلامي ما فهمتيه لاختلاف اللهجات بيننا بإمكانك تسألي عنه
يلا خدي نفس عميق وسمي بالله لنبدأ

من هي سوسو؟؟
سوسو القليل منا يعرفك معرفه بسيطة عن طريق المحادثة لكن الأغلبية العظمة ما بيعرفو عنك شي!!
عرفينا عن حالك وكلمينا شوي عن نفسك :
1- اسمك؟؟
2- سنك ؟؟
3- مسقط رأسك ؟؟
4- مكان إقامتك الحالي (أي مدينه )؟؟
5- جنسيتك ؟؟
6- تحصيلك العلمي؟؟
7- هواياتك؟؟
8- عدد إخوتك وترتيبك بينهم؟؟
9- هل لديكي جنسيات أخرى غير جنسيتك؟
10- هل لديكي رخصه قياده ؟؟

سوسو بشكل عام
1. شو أكتر شي بتحبيه بالحياة ؟؟
2. من شو بتخاف سوسو أكتر شي؟؟
3. شو أكتر شي بيزعجك و بيزعلك ؟؟
4. كيف بتقضي وقتك وشو بتعملي بيومك بشكل عام؟؟
5. شو أكتر أكله بتحبيها والمشروب المفضل عندك؟؟
6. شو الشي اللي ممكن يبكيكي من كل قلبك وكل ايمتى بتبكي سوسو؟؟
7. شو الخبر اللي ممكن يسعدك ويدخل الفرحة لقلبك بشكل عام وبهاللحظه بالذات ؟؟
8. من هي مطربتك المفضلة والمطرب المفضل بعد القيصر طبعا ؟؟
9. شو اكتر شي بتحبي تتابعيه على التلفزيون وهل بتحبي تروحي للسينما أو لأ ؟؟
10. هل تتحدثين على التلفون والموبايل لفترات طويلة كأغلب البنات
أو قليله الكلام كعادتك على المسنجر ؟؟

هل سوسو؟؟؟!
1- هل أنتي غيورة؟؟
2- هل أنتي عصبيه ؟؟
3- هل أنتي حساسة؟؟
4- هل أنتي مغرورة ؟؟
5- هل أنتي سعيدة؟؟
6- هل أنتي صادقه ؟؟
7- هل أنتي محظوظة ؟؟
8- هل أنتي صريحة ؟؟
9- هل أنتي متدينة ؟؟
10- هل أنتي مزاجيه ؟؟

سوسو والعلم
1. هل تحبين المطالعة أو الكتابة ؟؟
2. كم لغة تعرفين وأي لغة تتقنيها اكتر؟؟
3. هل تخرجتي من الجامعة أو معهد متوسط ؟؟
4. هل تحبين الفرع اللي تدرسيه أو اللي دارستيه ؟؟
5. هل اختصاص دراستك هو نفس الاختصاص اللي كنتي تتمني تدرسيه وأنتي صغيره
أو دخلتي هالفرع حسب معدل درجاتك أو رغبه أهلك؟؟
6. هل شهادتك الدراسية تؤمن لكي وظيفة جيده ومحترمه ؟؟
7. هل فترة دراستك الماضية كانت من أجمل فترات حياتك؟
8. برأيك شو الوظيفة المناسبة إلك اكتر شي أو اللي تتمني تشغليها ؟؟
9. هل تتمنين أن تفتحي مشروع عمل خاص بك وإذا إيه شو هو؟؟
10. هل ستكونين قادرة على تحمل مسؤولية عمل خاص وموظفين تديريهم
أو تحبي تكوني مرؤوسه ويكون في حدا مسئول عنك ؟؟

سوسو و الإنترنت
1- منذ متى وأنتي تستخدمين ألنت ؟؟
2- شو كان السبب الرئيسي اللي خلاكي تصيري من رواد الإنترنت ؟؟
3- كم عدد المواقع المسجلة فيها على ألنت ؟؟
4- كم موقع ساهري منتسبة اله سوسو غير موقعنا ؟؟
5- هل تصدقي كل ما تقرئيه على الانترنت أو نص ونص ؟؟
6- كم عدد أصدقاءك اللي تعرفتي عليهم عن طريق المسنجر؟؟
7- هل تقبلي كل طلبات الصداقة اللي توصلك على ايميلك أو ما بتضييفي حدا إذا ما بتعرفيه ؟؟
8- هل يساعدك الانترنت بمجال دراستك أو لأ ؟؟
9- كم ساعة تقضين يوميا على الإنترنت ؟؟
10- شو أكثر شي استفدتيه من الانترنت من وقت استخدامك للنت لغاية اليوم ؟؟

سوسو والمنتدى
1- ما رأيك بالتجمع العالمي لمحبي القيصر ؟؟
2- كيف تعرفتي على موقعنا أو مين دلك عليه ؟؟
3- شو السبب الحقيقي لبقائك معنا بهالبيت وتمركز نشاطك فيه ؟
4- هل تشاركين بباقي مواقع الساهر بنفس كثافه مشاركاتك بموقعنا
وبأي قسم بيتركز نشاطك أكتر شي وليش؟؟
5- هل تحبين أن تصبحي مشرفه ؟؟اذا ايه على أي قسم وليش؟؟
6- برأيك ما هو حجم التغيير بالمنتدى منذ فتره انضمامك إلنا ولغاية اليوم
وهل يعجبك كل شي جديد بيتغير بالمنتدى؟؟
7- برأيك شو ممكن نعمل حتى نطور المنتدى للأفضل ؟؟
8- بأي مرتبه بتصنفي منتدانا بين باقي مواقع القيصر؟؟
9- شو بتتوقعي يحقق موقعنا بعد سنه من اليوم؟؟
10- برأيك هل منتدانا مستوفي على كافه الأقسام الضرورية لخدمه فن كاظم وإرضاء محبيه
أو ينقصه أقسام أخرى ليشبه باقي مواقع القيصر؟؟

سوسو والأعضاء
1. من أول عضو تعرفتي عليه بالمنتدى وكيف؟؟
2. كم عدد الأصدقاء الساهريين اللي عرفتيهم من خلال المنتدى؟؟
3. هل هناك عضو تتمني أن تعرفي اسمهالحقيقي ؟؟
4. من من الأعضاء يلفت انتباهك دائما بمواضيعه وطريقه كتابته ؟؟
5. هل هناك عضو تتمني أن تكوني مثله أو قريبه من أسلوبه؟؟
6. هل حدث أي مشكله أو خلاف بينك وبين أحد الأعضاء الموجودين معنا بالمنتدى ؟؟
7. اذكري 5 أعضاء تحبيهم أكثر شي وبتحسيهم قريبين لقلبك كتير؟؟
8. هل هناك عضو تتمني التعرف عليه أكثر ومصادقته بشكل أكبر؟؟
9. هل سبق ودعيتي أحد أصدقائك للانضمام لموقعنا ؟إذا إيه مين هنن وإذا لأ ليش ما دعيتي حدا؟؟
10. شو بتقولي للأعضاء اللي بيدخلو المواضيع وبيطلعو بدون كتابه أي رد
لأ و بيلطشو الموضوع لينزلوه بمنتدياتهم التانيه!!

يلا بكفي لهون هلأ وأكيد منكمل طرح الأسئله الباقيه بعد كم يوم
للأمانه بعض الأسئله مقتبسه من الحوارات السابقه ومن مواضيع مصطفى الدباغ
الجزء القادم من الحوار يتضمن
سوسو وكاظم الساهر , سوسو والأغاني , سوسو والحب , سوسو والمستقبل , وأسئلة عامه متفرقة
بانتظار أسئلتكم أحبابي ان وجدت
وبانتظار إجاباتك حبيبتي سوسو
والله يكون بعونك
سلاااااااااام

عصام وبشورة
ألف شكر لمروركم وردودكم أحبابي
الحمدلله انه الحوار عجبكم
نورتو الموضوع بكلامكم الجميل
الله لا يحرمني منكم

بشرى كتب:: الله عليكي يا سوسو
بجد حوار ممتع للغاية ومروة طلعت شاطرة كتير ودخلت أعماقك
رغم انك عرفتي تتخلصي من كتير من الأسئلة بديبلوماسية

أنا كمان متلك أحب واحشني موت لماجد المهندس وانا ناظر حبيبي لنبيل شعيل

ممممم شو كمان٠٠يا ستي مافي اجوبة عالمسنجر بإنفراد٠٠كل الأجوبة هناااااا

أحب أقلك يا سوسو ان صحيح القلب ما ينفع ولا يقدر يحب أكثر من واحد وأنا أضيف بنفس الوقت
لكن الزمن كفيل بمداواة الجرح وإن شاء الله بتحبي كمان مرة ويتكلل حبكم بالزواج
:king: :queen:
موفقة إن شاء الله يا سوسو وأنا سعيدة جدا بمعرفتك وصداقتك
:love:
بإنتظار الجزء الناقص من الإجابة
مااااااافي مهرب

محبتي

بشرى

اهلين حبيبتي بشورة
هل عنك شك اني شاطرة
بصراحه عنجد كان نفسي غوص اكتر بأعماق سوسو
وأعرف امور وتفاصيل اكتر عن حياتها
بس خجلت لأن الأسئله صارت كتيرة
بس ما عرفت عن أي جزء ناقص كنتي عم تحكي
بظن سوسو جاوبت على كل شي وما تركت شي
على كل حال الف شكر لردك وتعليقك على الأجوبه

عصام كتب:: مرحبا

شكراً لك يا مروة للاسئلة الرائعة اللي ساعدتنا كثير في معرفة سوسو.
و شكراً لك سوسو للردود الجميلة. انتي انسانة رائعة و مميزة.

أهلين عصامو كيفك
منور الموضوع بوجودك كالعاده
الف شكر الك لمرورك الكريم وردك الحلو
الحمدلله ان الحوار عجبك

على فكرة يا مروة

نريد حوارات جديدة منك حتى نتعرف على كل أعضاء التجمع. عرفنا انتي صحفية رائعة و ان شاءالله سننتظر منك حوارات رائعة بالمستقبل.

تسلمو يا جماعه
و الله خجلتوني
و الحمد الله ان الحوارو الاجوبه عجبوكم و كنت خفيفة الضل عليكم
و شكرا لمروى على المجهود و على لااسءله الحلوة
و اقلك انتي محاوره رائعه و شاطره حبيبتي

بشرى كتب:: رغم ان الحوار جميل جدا ومتعوب عليه من مروة وسوسو
إلا أن الردود قليلة جداااااا
ليش يا جمااااااااعة؟
:don't know:
تسلم ايديكي مروة لجهودك

وألف شكر لسوسو لإجابتها وصراحتها وطيبتها

محبتي

بشرى

حبيبتي بشورة
ألف شكر الك يا عمري لأهتمامك بالموضوع والحوار
بصراحه انا لما نزلت الجزء التاني من الحوار بموضوع مستقل
هالشي كان حى الأعضاء ينتبهوله والموضوع ياخد حقه من الردود
ولحتى الكل يشوفو الأسئله الجديده ويقولو رأيهن فيها
لأنه متل ما قلتي عنجد حوار متعوب عليه
على كل حال وجودك الدائم انت وعصام بكل المواضيع
بيزيد من قيمه الموضوع وبينوره دائما
الله لا يحرمنا منكن ويرجعلنا كل الغايبين قريبا

عصام كتب:: مرحبا

ان شاءالله الاعضاء سيدخلون المنتدى في الايام القادمة و سيعجبون هذا الحوار الرائع بدون اي شك. شكراً لمجهودات مروة و سوسو.

يا هلا عصام
اتمنى يتحقق كلامك قريبا
المهم بالأول يرجعو كل الغايبين
وبعدين انشالله بيشوفو الحوار وبيحبوه
شكرا لتشجيعك ودعمك الدائم

شمس الساهر كتب:: حوار ممتع للغاية
اسئلة ذكية واجوبة اذكى

شكرا مروة على مجهودك وعلى الحوار
المميز

تحياااااااااااااااااااااتي

شمس

حبيبتي شموسه
شكرا لمرورك بالموضوع وشكرا لردك اللطيف
سعيده كتير انه الحوار عجبك
ولا تنسي انه هلأ صار دورك
لأنك عم تنتظري حواري معك من الجزء الأول بحوار سوسو
فحضري حالك قريبا على حوار مرتب متل حوار سوسو

عصام كتب:: على فكرة يا مروة

نريد حوارات جديدة منك حتى نتعرف على كل أعضاء التجمع. عرفنا انتي صحفية رائعة و ان شاءالله سننتظر منك حوارات رائعة بالمستقبل.

مرحبا مجددا عصوم
تكرم عيونك انت غالي والطلب رخيص
اكيد حتشوف مني حوارات كتيرة بالأيام الجايه
حتى نتعرف على كل أعضاء التجمع أكتر
ألف شكر الك لكلامك الجميل عني
هي شهادة بعتز وبفتخر فيها
وانت كمان جايك الدور قريبا
والا ما اعمل معك حوار يعرفنا عليك أكتر

ألف ألف شكر لكل من مر بالموضوع
ولكل من علق على الحوار والأسئله
خجلتوني بكلامكم اللطيف وردودكم المشجعه
ربي ما يحرمني منكم جميعا
وترقبو مني المزيد من الحوارات الشيقه
طالما كلكم اجمعتو اني محاورة جيده
تم تسجيل شكر خاص لحبيبتي سوسو
لتعبها بالأجابه على الأسئله ولصراحتها وعفويتها بالأجوبه

بشرى بامكانك هلأ تدمجي الموضوعين مع بعض
وشكرا الك مسبقا

وااااااااااااااااااااااااااااااااااااااااو

بعرف اني تأخرت كثير

بس ماشاءالله مروة ما قصرت بالاسئلة , هلكتيها !

سوسو حبيبتي كل ما اقرأ سطر اتعرف عليك اكثر و اكثر

بجد حبيت الحوار كثيرو عرفت كثير شغلات عنك , ما كنت اعرف كثير او يمكن ما كنت اعرف شي

الف شكر لمروة لهالحوار الجامد

الف شكر لمروة لاسئلتها الجميلة
و مليون شكر لسوسو على صبرها و ردها على كل الاسئلة

بما اني متاخرة كثير , ما راح اخذ كثير من وقتك سوسو

بس سؤال واحد :

لمين بتهدي

و اخيرا" لــ كاظم الساهر

سامحتك كثير لــ اصالة

كلمات لــ ماجد الرومي

حبيبتي و المطر لـ كاظم الساهر

أتحبني لــ كاظم الساهر

شكرا حبيبتي

أهلين حبيبتي موها
نورتي الموضوع بوجودك فيه حبيبتي
الحمدلله انه الحوار عجبك
وبانتظار سوسو لتجاوبك على سؤالك
شكرا لمرورك ومشاركتك بالرد حبيبتي

ياهلا ياهلا بمها الأمورة
أخيرا نورتي الموضوع بوجودك
الحمدلله انه الحوار عجبك
ومبسوطه كتير انك عرفتي سوسو اكتر من خلال أسئلتي
شكرا لمرورك ومشاركتك حبيبتي

منوره مها حببتي
و الف شكر على السؤال
و انتي تشرفي باي وقت

و اخيرا" لــ كاظم الساهر
اهديها لنفسي

سامحتك كثير لــ اصالة
لشخص عزيز جدا بس للاسف جرحني

كلمات لــ ماجد الرومي
اووووف من هالاغنيه هي ذكرى اكثر من اني اهديها
و اهديها لصاحب الذكرى و لنفسي

حبيبتي و المطر لـ كاظم الساهر

لشخص امينا ليالي المطر معا

أتحبني لــ كاظم الساهر
لحبيبي الغير موجود الان

حوار جميل جدا .. شكرا لك مروة
وشكرا لسوسو على صراحتها الواضحة في الاجابة على الاسئلة
سارة شخصية جميلة .. ربي ما يحرمنا منها ابدا ويحميها دوما

حوار رائع جدا
شكرا مروة كنا فعلا بحاجة لجزء ثاني لمعرفة سوسو اكثر واكثر

وشكرا لسوسو على تفاعلها الجميل مع الحوار ... لقد كنت رائعة
وما زلت رائعة في قلوبنا .. لا بل الان اكثر روعة لاننا عرفناك اكثر

sousou كتب:

منوره مها حببتي
و الف شكر على السؤال
و انتي تشرفي باي وقت

و اخيرا" لــ كاظم الساهر
اهديها لنفسي

سامحتك كثير لــ اصالة
لشخص عزيز جدا بس للاسف جرحني

كلمات لــ ماجد الرومي
اووووف من هالاغنيه هي ذكرى اكثر من اني اهديها
و اهديها لصاحب الذكرى و لنفسي

حبيبتي و المطر لـ كاظم الساهر

لشخص امينا ليالي المطر معا

أتحبني لــ كاظم الساهر
لحبيبي الغير موجود الان

تسلمي حياتي سوسو على الرد السريع

عجبني ردك بخصوص اغنية كلمات , لأن احساسك نفس احساسي تماما"

يارب كل لحظات حياتك تكون مفرحة

:boos: :boos: :boos:

قتيبه و مها
الله يخليكم ا رب و ما انحرم منكم ابدا
و يا رب كنت و اكون دوما عند حسن ضنكم بي

يا هلا بأبو الأقتاب
شكرا لمرورك وردك يا غالي
فرحتني ان الحوار بشكل عام عجبك

sousou كتب:: منوره مها حببتي
و الف شكر على السؤال
و انتي تشرفي باي وقت

و اخيرا" لــ كاظم الساهر
اهديها لنفسي

سامحتك كثير لــ اصالة
لشخص عزيز جدا بس للاسف جرحني

كلمات لــ ماجد الرومي
اووووف من هالاغنيه هي ذكرى اكثر من اني اهديها
و اهديها لصاحب الذكرى و لنفسي

حبيبتي و المطر لـ كاظم الساهر

لشخص امينا ليالي المطر معا

أتحبني لــ كاظم الساهر
لحبيبي الغير موجود الان

شكرا حبيبتي سوسو
لأجابتك على سؤال مها بمنتهى الصراحه
مها كانت ذكيه كتير بانتقاء الأغاني وانتي ما ترددتي بالأجوبه ابدا

قتيبة كتب:: حوار رائع جدا
شكرا مروة كنا فعلا بحاجة لجزء ثاني لمعرفة سوسو اكثر واكثر

وشكرا لسوسو على تفاعلها الجميل مع الحوار ... لقد كنت رائعة
وما زلت رائعة في قلوبنا .. لا بل الان اكثر روعة لاننا عرفناك اكثر

اخي الغالي قتيبه
شكرا لتواجدك بالموضوع وشكرا لردك اللطيف
الحمدلله انك عرفت سوسو اكتر من خلال أسئلتي وحواري معها
عقبال ما يجي دورك ونعمل فيك حوار اقوى واشد من هالحوار

بشرى حبيبتي بإمكانك تجمعي الجزئين مع بعض
حتى تكون المعلومات عن سوسو محصورة بمكان واحد

» صابر الرباعي: من غنى الجزء الأول من أنا وليلى عليه أن يغني الجزء الثاني 07
» هدية من الأخ نضال: رحلة إلى مدينة القدس ...
» قهوة الصباح:: الجزء الثاني::
» معلومات بالصور-الجزء الثاني
» أجمل الزهور في العالم الجزء الثاني..