الانسان المتصنع باختصار

والسبب من الموضوع انو نحنا بحاجة لشرح مفصل عن الانسان المدعي(المتصنع) بشكل عام

هي النوعية من الناس دمرة عدة علاقات كان ممكن تكون علاقات ناجحة بين الناس الحوليهن وهاد الشي او هي الفكرة نابعة من الشعور

الزائف بالوجود الازلي او هي الناس كانت ومازالت من الصغر ترضع الانانية والحقد على الغير وانا من هل الفكرة حابب اشرح عن هي النوعية من الناس وهاد من منطلق اني تعاملت معن للاسف وكانت النتائج طبعا معروفة ومليئة بالفشل .

هي النوعية من الناس بتستخدم ادوات المرحبة وادوات التلميع بالشخص طبعا اذا شافو واحد شحاد بيعملو باشا وهي لغرض بنفسن طبعا مع احترامي للشحاد لانو يمكن يكون انسان اكتر منن , وهي النوعية من الناس (المتصنعين )طبعا ما بهون عليهن يشوفو اي شخص مبسوط طبعا مع التاني ولو!!! شو بينسو انن هن المدمرين للعلاقات اكيد لازم يدخلو ويدحشو حالن مشان يحصلو على المحبة المرضية من الناس وبهي اللحظة الانسان الواجه الخداع ما بيعود يعرف صاحبو من عدوو .

الشخص المتصنع بيحاول احيانا وليس دائما ياخد صفة منيحة من غيرو ويرسخا عند الناس على انو هي الصفة الحلوة فيه بس عم يواجه مشكلة انو كيف بدو يعطي صفة منيحة وهوة شرير وسخيف (بحب قصر الطريق على المتصنعين وقلن انو الصفة المنيحة او الخصلة المنيحة بتولد مع الانسان بالفطرة يا حبيبي !!! الشغلة مو اكتساب ومع ضمانتي انو الانسان المتصنع ما حيبذل الجهد لتسير عندو صفة منيحة .

يا جماعة الشخص البحاول يكون مميز ما عم يعرف الطريقة الصحيحة للتميز ونحنى كمجتمع عربي ما منعرف نتميز غير من خلال انو نطلع على ظهر غيرنا وطبعا نتاكد انو حطمنا تماما واذا كان الو فضل علينا مننكر ومنقول (اي بس يسير معنا الله يجمعنا ومنضحك الضحكة المقرفة وطبعا منعرف حالنا اننا بهي اللحظة بالذات ظالمين(اذا كنا اصحاب ضمير) ومنتقبل الامر بس طبعا بالنسبة للشخص المتصنع ما بتفرق معو انطلاقا من مبدأ (انا وبس )طبعا هي اذا كان عندو مبادئ اصلا,

اضافة للصفة سابقة الذكر (ماعندومبادئ )بحب ضيف انو انسان مابيتحلى نهائيا بشخصية معتمدة خاصة فيه بيبني حالو عليها يعني من خلال حديثنا معو منلاقي انو تقمص شخصيتنا بكل بساطة ومو بس هيك صار يتعامل مع الناس من خلال شخصيتنا ومنقول هاد شي منيح بس معقول انو هاد الشخص لحد الان ماعندو شخصية ,منضيف انو انسان مصلحجي لابعد الحدود يعني كل البشر مصلحجية ما اختلفنا بس هوة انسان مصلحجي مكشوف بس ياخد حاجتو ما بيعود الك معو علاقةومو بس هيك بيسير بدو يحاربك بايديه وسنانه ,اضافة لهل الشي الشخص المتصنع (المدعي) بحب بشرو انو طول حياتو مارح يعيش قصة حب حقيقية لانوما بيعرف راسو من رجليه وهوة انسان بائس يائس ومتعجرف وهو اصلا موعايش الحياة صح فالشريك بهي الحالة رح يكشفو على حقيقتو مباشرة ويعملو حذف اكيد الا اذا لاقى واحد أو وحدة متلو طبعا هيكونو التنين اكره من بعض.

الشخص المتصنع اذا قدم لحدا اي هدية او غرض طبعا لمصلحة بيعتبر حالو قدم كنوز الدنيا ومو بس هيك بيطرقك منية طول ما انت منبلي فيه( الله يبعدو عنا وعنكم).

الشخص المتصنع انسان جدا رخيص وبتلاحظو انو هوة دائما بينوه للناس انو هوة انسان سخيف يعني بيختار الاشياء التافهة وبيعمل منا اختراع!!!!

الشخص المتصنع ااااااذا حدا قلو انو انت فيك شغلة حلوة بيعمل عرس وبيفكر حالو عينو محل بانكي مون

الشخص المتصنع وهوة انسان مهزوز من داخلو دائما بيشعر بعقدت نقص وبيوصف حالو دائما بالكمال

الشخص المتصنع شخص فاشل محدود الطموح ما عندو خير لحدا حتى ولو كان من افراد عائلتو

الشخص المتصنع دائما بيتبع اسلوب الطعن من الخلف يعني جبــــــــــان

الشخص المتصنع بيتبع دائما بحديثو اللتلته والحديث الفاضي يعني المابيطعمي لقمة العيش

الشخص المتصنع بيعيش كل حياتو كالعلقة بيمص بدم العالم ومو اي عالم اكيد العالم الساعدتووطلعتلو صوت بهالدنيا

الشخص المتصنع بيستخدم الاسلوب الطفولي بالتعامل طبعا بيكون عمرو(؟؟)ولساتو بيتعامل متل الولد الصغير طبعا انا بسمي بهل الحالة متصابي مو لطيف وغالبا الشياطين بتكون بهيئة اطفال !!!

الشخص المتصنع دائما وابدا بيعض الايد البتنمدلو وبتساعدو بعد ما كان انسان معزول مابيعرف الخمسة من الطمسة

الشخص المتصنع دائما بيعمل حالو محب وودود وبيحمل الناس فوق ضهرو مقابل انو هوة عم يكنلن مشاعر الحقد والبغض وبنية يدوسن لبعدين ويظهر حالو مظلوم

الشخص المتصنع دائما بيدور على فئة من الناس ضعيفة النفسية مهزوزة متلو مو لسواد عيونن بس ليشغلن تحت ايدو ومشان يحمي حالو وطبعا من نظرية حب القيادة للاشخاص الضايعين متلو والي عم يهربو من مواجهة الحياة وهي الفئة طبعا بتكون بتعرف انو هوة انسان تافه بيستخدمو ليرضي نزواتن ويضحكن شوي على سبيل انويثبتو لنفسن انن الجهة الاقوى وبيكون المهرب الوحيد لهي الفئة في حال تعرض قائدن لمشكلة بالتخلي عنو وحتى انكار انو كان موجود بالبشرية (احذر ايها المتصنع)

الشخص المتصنع اذا ارتكب خطا بحق غيرو بيعتبرو صحيح ومو بس هيك بيعتبر انو افلطون وارسطو صرحولو انو عملو منطقي ومقنع

لانسان المتصنع احيانا بصيبو حالة الاحساس بالغير بس ما يلاقي صيدة جديدة او بيقول (يالله انا شو عامل ليش كل الناس عم تستحقرني او عم تبعد عني )وهو يا سلام مظلوم مسكين ماعمل شي بحقن لتركو متل الكــــــــــــ

وبهدي هالمقولة لكل واحد عندو علاقة مع واحد متصنع وبضمنلو انو حيحس بهل الكلام عاجلا ام اجلا: