قول للزمان ارجع يا زمان!!!

موضوع: قول للزمان ارجع يا زمان!!! 23/11/2008, 09:01

*البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.

دلوقتي:- لأ ليه عندك عريس؟إيدي على كتفك..ناس معندهاش نظر.

*الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.

دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيييييي.

*خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.

دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوىي معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .

دخول الاب البيت

زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.

دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.

*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!

دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

*نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل

دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!!

*ولد حب يتعرف على بنت

زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.

دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)

طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت. (لا صحيح محترمة )

محبتي وتقديري
محمد زهرة

موضوع: رد: قول للزمان ارجع يا زمان!!! 5/7/2009, 22:34

شكرا على الموضوع المفيد والجميل
خالص وفائي
عظيم ثنائي

موضوع: رد: قول للزمان ارجع يا زمان!!! 5/7/2009, 22:44

شكرا كتير اخ محمد على هل الموضوع
تحياتي
شمس

موضوع: رد: قول للزمان ارجع يا زمان!!! 5/7/2009, 23:40

شكرا اخ محمد
على الموضوع
راح ذاك الزمان ومستحيل ترجع نفس العادات والتقاليد

موضوع: رد: قول للزمان ارجع يا زمان!!! 6/7/2009, 02:21

عجبتني حكاية البنت وصاحبها اللي بيغير عليها
مع انها حقائق مضحكة الا انها مؤلمة
ألف شكر الك أخ محمد عالموضوع الجميل
وتستاهل أحلى تقييم
تحياتي
ربيع

موضوع: رد: قول للزمان ارجع يا زمان!!! 6/7/2009, 06:59

هههههههههههههههههههههههههههههه
شكراً أخ محمد عالموضع بيضحك كتير بس هاي الحقيقة

موضوع: رد: قول للزمان ارجع يا زمان!!! 6/7/2009, 09:34

مرحبا محمد

شكراً لك للموضوع الجميل.

موضوع: رد: قول للزمان ارجع يا زمان!!! 6/7/2009, 15:45

*الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.

دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيييييي.

معك حق والله , كل شي تغير

*البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.

دلوقتي:- لأ ليه عندك عريس؟إيدي على كتفك..ناس معندهاش نظر.

ياريت لو تكتب لما نسئل الرجل متزوج , شو رده ؟

موضوع: رد: قول للزمان ارجع يا زمان!!! 8/7/2009, 17:15

شكرا محمد على الموضوع
تحياتي
عائشه

موضوع: رد: قول للزمان ارجع يا زمان!!! 8/7/2009, 23:35

مجمد عن جد تسلم ادك
و لله كل الللي بتوله صح
و ا ريت لو نرحع لايام زمااات
و الله كانت كلها بركه و خير

موضوع: رد: قول للزمان ارجع يا زمان!!! 9/7/2009, 23:18

مرحبا محمد
ألف شكر الك على هالموضوع الكتير كتير حلو
ولو اني بذكر اني سبق وقرأته بالمنتدى
خصوصا انه تاريخ الموضوع من 7 شهور تقريبا
بس بالرغم من كده هو فعلا موضوع رائع
ويستاهل ينعاد اكتر من مرة حتى كل الأعضاء يقرئوه
وكمان في موضوع الك بيقول انه ثبت علمياً ان البنت احسن من الولد
يا ريت تعيد تنزيله لانه كتير حلو ومميز
تقبل مروري وتسلم ايديك

موضوع: رد: قول للزمان ارجع يا زمان!!! 3/11/2013, 20:01