رياضة شعبية شامية هامة

موضوع: رياضة شعبية شامية هامة 15/4/2009, 14:04

رياضة شعبية شامية هامة

بمناسبة حديثنا عن رياضتنا الشعبية , علينا أن نلقي الضوء على رياضة هامة بل هامة جداً ,
وهي رياضة مزعجة نوعاً ما لأنها عنيفة
ولكن الجميل فيها أنها تمارس من قبل الجنسين ولا تتطلب عمراً معينا للاشتراك بها،
الرياضة المعينة هي رياضة الصعود والهبوط من الميكرو صباحاً و ظهراًوعصراً ومساءً

قواعد اللعبة :

حيث تبدأ صافرة البداية عند اجتماع الناس على الموقف ونظرات التحدي والوعيد التي يتبادلونها ,
وعندما يبدأ ذلك الشيء الأبيض أو الأصفر

يقوم اللاعبون بالتأهب للانطلاق كما في مسابقات ألعاب القوى.

و ما أن يبدأ الميكرو بضرب فراماتو حتى يبدأ الرياضيون بالتفنن في عملية التدافع
كل حسب طريقته ( و تربيته) وبيئته والمنتصر هو من ينجح برفس العدد الأكبر
ممن خلفه والصعود رغما عنهم

و يتقنْزَع في صدر الميكرو مجهّزاً الخمسة(يعني المصاري) بكل فخر و اعتزاز.

وبنفس الطريقة تكون المباراة على الجهة الأخرى من طرف الفريق النازل من الميكرو ,
حيث يقوم أعضاء هذا الفريق بكل ما آتاهم الله من قوة بلبط ولبج ولكم لاعبي الفريق الخصم
محاولين النزول وبكافة الطرق
وأكثر الإصابات تكون من نصيب لاعبي هذا الفريق
لأنهم ينْزلون إما بالورب أو بالقفز العشوائي بدون مظلة
أو يعلق أحد يديه او رجليه بالميكرو وينشحط معه لمسافة لا تقل عن عشرة أمتار
وذلك لأن الشوفير يكون قد انتبه لوجود شرطي لاطي عالسوكة
فيفز بالميكرو وبشكل مفاجئ تجنبا للمخالفة
وإن هذه اللعبة فريدة من نوعها ,
و من المستحيل على أي شعب أن يقوم بالتفكيرفي ممارستها
لصعوبة قواعدها وما تتطلبه من تَيْسَنَة
وعدم توافر الملاعب المخصصة لها إلا عنا

موضوع: رد: رياضة شعبية شامية هامة 15/4/2009, 23:07

مرحبا مها الغالية

تسلمي للنقل ...رياضة عجيبة Shocked

وانشالله ما اضطر بيوم اني امارسها
والله يعين البقومو فيها كل يوم رغم عنهم oui

شكرا

موضوع: رد: رياضة شعبية شامية هامة 16/4/2009, 00:48

هلا مهاوي
شو قصتك يا مها
نازلة فينا رش كل يوم
mito

شوي شوي علينا الله يوفقك
dumb

موضوعك كتير حلو ... ومميز كمان
وعلى فكرة ... هي أكتر رياضة منتشرة عنا
وانا بمارسها كل يوم تقريباً
oui

تسلمي عالموضوع الحلو
تحياتي
ربيع

موضوع: رد: رياضة شعبية شامية هامة 16/4/2009, 01:41

مهاااااااااوي
بالرغم من ان كلامك صحيح
والسنة الماضية استغربت من كتير شغلات أثناء زيارتي لسوريا
لكن مافي أحلى من بلدي واسم بلدي وريحة بلدي
رغم كل الرياضيات والميكرويات واللي بصير
Wink

يا ترى عندكم كيف بتمارسوا هالرياضة؟؟؟
رياضة شعبية شامية هامة 537144

قصدي وسائط النقل
laugh

شكرا حبيبتي للنقل
تحياتي
بشرى

موضوع: رد: رياضة شعبية شامية هامة 16/4/2009, 10:06

مرحبا مها

شكراً لك للموضوع الجميل..
هذه الرياضة منتشرة في اغلب البلدان العربية و في ايران كمان.. هذه الرياضة تحتاج الى ذكاء!! و لازم نتسرع حتى نفوز!! في ايران يومياً نمارس هذه الرياضة.. و القوانين نفس قوانين الرياضة في سورية!

مع حبي و احترامي
عصام

موضوع: رد: رياضة شعبية شامية هامة 16/4/2009, 15:05

عصام كتب:: مرحبا مها
شكراً لك للموضوع الجميل..
هذه الرياضة منتشرة في اغلب البلدان العربية و في ايران كمان.. هذه الرياضة تحتاج الى ذكاء!! و لازم نتسرع حتى نفوز!! في ايران يومياً نمارس هذه الرياضة.. و القوانين نفس قوانين الرياضة في سورية!
مع حبي و احترامي
عصام

شكرا عصوم لجوابك
طمنتني انو الحال من بعضو
Wink

تحياتي
بشرى

موضوع: رد: رياضة شعبية شامية هامة 16/4/2009, 23:12

مرحبا حبيبتي مهاوي
الف شكر لك على هالموضوع الأكتر من رائع
عنجد ضحكتيني من قلبي وانا صرلي زمان ما ضحكت
للأسف الشديد كل كلمة بالموضوع صحيحه تماما وبمنتهى الدقه
ماعدى حكايه الخمسه الله يرحم ايامها ماعد تعمل شي هالخمسه هلأ
بالنسبه الي انا دائما بالبيت وما بروح ولا مشوار اذا ما بابا وصلني بالسيارة
حتى ما اضطر مارس هالرياضه واتبهدل لفوز بشي مقعد بعد ساعات الأنتظار
لأنه متل ما بتعرفي يا مها بهيك مواقف مافي شي اسمه (ليديز فيرست)
وبهالرياضه بالذات ما حدا بيقدر الجنس اللطيف وبيحترمهن
تسلم ايديكي عالنقل حبيبتي

موضوع: رد: رياضة شعبية شامية هامة 17/4/2009, 15:50

شكرا احبابي على الرد الجميل

اقتباس :

هلا مهاوي
شو قصتك يا مها
نازلة فينا رش كل يوم

والله ما في قصة يا ربيع , هالمواضيع اجت على ايميلي من صديق سوري , حبيت انقلها لكم

اطمن نفس الشي يحصل بايران كمان

موضوع: رد: رياضة شعبية شامية هامة 21/11/2013, 18:04