ماذا تفضل قلب يفهمك ... أم قلب يحبك ؟؟

ماذا تفضل قلب يفهمك ... أم قلب يحبك؟؟
*********************************
قالت واحدة من الناس :
سألت إحدى صديقاتي هذا السؤال فأجابت بثقة ...
قلب يحبني...!!!
نظرت إليها بتعجب فقلت
ما فائدة الحب دون تفاهم !!!
ودون فهم الطرف للطرف الآخر
فإذا كان الحب دون تفاهم ؟؟ لن يدوم
حيث أن أي مشكلة ممكن أن تعترض الطرفين
ستؤدي إلى الفراق ...
أما القلب الذي يفهمك
ويجيد التعامل معك ويعرف سلوكياتك جيدا
أي مشكلة ستحصل لها حل
فأجابتني صديقتي لكن ماذا إذا كان قلب يفهمني
لكن لا يحبني ؟؟؟
أجبتها من الممكن أن يحبك ...
والحب ليس كل شيء كذلك ...
فما رأيكم بالموضوع وأيها تفضلون

القلب الذي يحبك أم يفهمك !!
</STRONG></FONT></FONT>

تسلم ايدك اهات على الموضوع الحلو
انا افضل القلب اللي بحبني
عشام بالحب ممكن كمان نتجاوز كل شيء و كل الازمات و عشان هذا الحب راح يكون متفهم و يفهمني و يحتويني
هو ممكن يفهمك بس اذا ما يحبك ما راح يصبر عليكي و لا يحاول يفهمك بل بالعكس يمكن يكون دائما معارضك حتى لو فاهمك
اصل الحب هو اكبر الدرجات و به تتلاشى كل الاختلافات
حتى لو كان الاصنين مختلفين عشان حبهم لبعض راح يتفهمو بعض و يرضو بعض

تقبلي رايي البسيط حبيبتي
سلامي لعيونك الحلوين

والله يا مروة المفروض يكون قلب يحب ويفهم بنفس الوقت
فالحب وحده لن يدوم وخاصة مع صعوبة الحياة بهالأيام
وكمان قلب يفهمك بس ما حيدوم هالشي لأن لازم الحب يكون موجود ويجمع القلبين
فالحب لوحده لا يكفي
والعقل بمفرده نفس الشي
Wink

شكرا عزيزتي لموضوعك الحلو
محبتي
بشرى

مرحبا مارو

انا رأيي من رأي بشرى .. الحب لوحده ما ينفع , يعني اذا اثنين يحبوا بعض و مو متفاهمين و على طول زعل و خناق , هالحب راح يتحول لكراهية !

كمان اثنين يفهموا بعض و ما في حب , صعب

مرحبا مروة

ألف شكر لك للموضوع الجميل.. السؤال كثير مهم و هو من اهم الاسئلة في حياتنا..
أنا أفضل القلب اللي يحب و يحاول ان يفهم الطرف الآخر.. الحب يقدر يفعل المستحيل, لكن لازم يكون احترام و فهم متبادل في الحب.. اذا القلب بس يفهم الطرف الآخر و لايحبه, بعد فترة يمل و ما يقدر يستمر..

شكراً لك لطرح السؤال المهم.. تم تسجيل تقييم ايجابي للموضوع.

مع حبي و احترامي
عصام

sousou كتب:: تسلم ايدك اهات على الموضوع الحلو
انا افضل القلب اللي بحبني
عشام بالحب ممكن كمان نتجاوز كل شيء و كل الازمات و عشان هذا الحب راح يكون متفهم و يفهمني و يحتويني
هو ممكن يفهمك بس اذا ما يحبك ما راح يصبر عليكي و لا يحاول يفهمك بل بالعكس يمكن يكون دائما معارضك حتى لو فاهمك
اصل الحب هو اكبر الدرجات و به تتلاشى كل الاختلافات
حتى لو كان الاصنين مختلفين عشان حبهم لبعض راح يتفهمو بعض و يرضو بعض

تقبلي رايي البسيط حبيبتي
سلامي لعيونك الحلوين

أهلا حبيبتي سوسو
معك حق باللي قلتيه عن الحب
هو فعلا أسمى شي بالحياة و أمامه يتلاشى كل شي
بس من وجهة نظري انه هالنوع من الحب انقرض من زمان
وحتى لو انوجد ما بيدوم لفطره طويلة
وبالنهاية بينتهى لكثرة الخلافات والمشاكل بين الطرفين
شكرا لمرورك حبيبتي ومشاركتنا رأيك الحلو

بشرى كتب:: والله يا مروة المفروض يكون قلب يحب ويفهم بنفس الوقت
فالحب وحده لن يدوم وخاصة مع صعوبة الحياة بهالأيام
وكمان قلب يفهمك بس ما حيدوم هالشي لأن لازم الحب يكون موجود ويجمع القلبين
فالحب لوحده لا يكفي
والعقل بمفرده نفس الشي

شكرا عزيزتي لموضوعك الحلو
محبتي
بشرى

أهلين حبيبتي بشرى
معك حق انتي كمان باللي قلتيه
لازم يكون القلب بيحب وبيفهم بنفس الوقت
حتى تستمر الحياة بدون مشاكل ومنغصات
بس بهالأيام وين ممكن تلاقي هيك قلب
هالقلب موجود عندك بس حبيبتي
شكرا لمرورك وردك

Maha كتب:: مرحبا مارو

انا رأيي من رأي بشرى .. الحب لوحده ما ينفع , يعني اذا اثنين يحبوا بعض و مو متفاهمين و على طول زعل و خناق , هالحب راح يتحول لكراهية !

كمان اثنين يفهموا بعض و ما في حب , صعب

حبيبتي مها
شكرا لمرورك واضافه رأيك
بس متل ما قلت لبشرى
الواحد منا لازم يكون واقعي ويفكر بعقل
ويختار حسب المعطيات الموجوده عنده بالمجتمع
ونحن للأسف وصلنا لوقت اصبح الحب به شبه معدوم
والتفاهم صعب لأختلاف أطباع ونماذج الناس
واذا بالصدفه لقينا واحد من هالقلبين فمستحيل نلاقي التاني
هاد رأيي الشخصي ووجهة نظري بالحياة

عصام كتب:: مرحبا مروة

ألف شكر لك للموضوع الجميل.. السؤال كثير مهم و هو من اهم الاسئلة في حياتنا..
أنا أفضل القلب اللي يحب و يحاول ان يفهم الطرف الآخر.. الحب يقدر يفعل المستحيل, لكن لازم يكون احترام و فهم متبادل في الحب.. اذا القلب بس يفهم الطرف الآخر و لايحبه, بعد فترة يمل و ما يقدر يستمر..

شكراً لك لطرح السؤال المهم.. تم تسجيل تقييم ايجابي للموضوع.

مع حبي و احترامي
عصام

الغالي عصام
ألف شكر لك على التقييم وعلى مشاركتنا برأيك القيم
متل ما قلت هو فعلا الحب يصنع المستحيل بس مافي حب بيستمر للأبد
ومع الوقت مشاعر الحب بتبرد وبتنتهي
اذا الطرفين ما بيفهمو على بعض او ما بيتفهمو بعض
بس كمان اذا كانت العلاقه مبنيه عالتفاهم بس صعب انها تستمر
لأنه فهم الطرفين لبعض مو بالضرورة يتطور لعلاقه حب
شكرا لوجودك الدائم

أما بالنسب لرأيي المتواضع
فأنا بختار القلب اللي بيفهمني
لأنه طبيعتي غريبة ومعقده ومو أي إنسان بيقدر يفهمني بسهوله
لأن القلب اللي بيحب اذا ما فهم طبعي وعرف كيف لازم يتعامل معي
ما بقدر أتحمله حتى لو بيحبني
اما القلب اللي بيفهمني وبيعرف شو بحب وشو بكره
وبيفهم شو بدي من غير ما احكي
أكيد وقتها رح حبه وأنا قادره خليه يحبني بأذن الله

مرحبا مروة
انا برأيي الحب بيجي بعد التفاهم
يعني لما يجتمعو قلبين متفاهمين ومتفقين بكل شي أكيد رح يتحول التفاهم لحب
صح انه هاد الكلام ما بينطبق عالكل ... بس بأغلب الأحيان بيكون هاد الكلام موجود

وعن نفسي .. بفضل شخص يفهمني
لأن كان في قلب يحبني ... بس ما قدر يفهمني ولا بأي شكل من الأشكال
وبالنهاية ...
في قلب بيحب ... وعقل بيفهم
Wink

وانا الحمد لله لقيت القلب اللي بيحبني
والعقل اللي بيفهمني
loved

شكراً الك مارو عالموضوع الجميل
تحياتي
ربيع

شكرا ربيع لمرورك